آنه یر قان ققشب، یانیب بؤزله یدی(1)،
دردینی جان تیلی بیلن سؤزله یدی،
ده یدی نیت دایم آوانی کؤزله یدی،
انسان کورونادن معنا إیزله یدی.
ایوریل زمان دیگن عکس صدامو بو؟
آچکؤز یوهالرگه «آه!» ندامو بو؟
یا قیران(2) کونلرگه ابتدامو بو؟
دردنینگ کؤرینمه یدی اوچی- قیراغی،
علیم نینگ سؤنمه گن هلی چیراغی،
کیمدیر دیئدی بونی:« حیات اداغی،
طبعیت نینگ بیرگن اچّیق سباغی!»،
انسان کورونادن معنا إیزله یدی.
شور داستانلر تؤقیب کؤنگلی سؤقیرلر،
غیبدن ساوغه دیب، ایرتک تؤقیرلر،
تون- کون اؤلیم قؤشیغین اؤقیرلر.
انسان کورونادن معنا إیزله یدی.
قیلمیشی می یاکه سوقه(3) بایلرنینگ؟
تیریک جانی میکن باغ و سایلرنینگ؟
موزله گن کؤز یاشیمی چیغایلرینگ(4).
توتونیمی قاره آلتین مایلر(5)نینگ؟
انسان کورونادن معنا إیزله یدی.
آمان قالسک بیر کون قلقیب توره میز،
کؤز آچیب، قویاشگه یوزنی بوره میز،
یاوزلیک تختیده دوران سوره میز،
انسان کورونادن معنا إیزله یدی.
----------------------------------