نه اوزگه دن یالچیمه گن بیر اؤزبیک بؤلدی،
آرزو باغی سو اورنیده قانلرگه تؤلدی.
إستکلرین میوه سینی تاتمَسدن بورون،
گل خیمچه لر، کؤک نوده لر أیقیلدی سؤلدی.
خیالده تیکیلگن سینیق تخت ایکن.
قصرلرنینگ غیشتی جانینگ پرچه سیدیر،
آبرولرگه نروان بؤلدی کؤرگن توشینگ.
غراوی بؤینگ قیرقتدی، یاندیردی تن ینگ،
اؤزبیک اؤغلی ارزان کیتدی جان، إیشینگ.
خیالده تیکیلگن سینیق تخت ایکن.
قراوسیز باله ده ی کؤزلرینگ گریان،
یورتینگ تالان بؤلدی، یوره گینگ ویران.
تیرموله سن ناچار، بیزره یب سرسان،
اؤزینگدن اؤزگه یوق باشینگده قلقان.
خیالده تیکیلگن سینیق تخت ایکن.
کیشی آلمس خبر، سؤلغین باغینگدن،
شمال اؤتمس باشی یلنگ تاغینگدن.
خبر یوقدیر بیمار یاکه ساغینگدن،
قان آقه دیر قت-قت یوره ک داغینگدن.
خیالده تیکیلگن سینیق تخت ایکن.
قاپقاغی یؤق قازان بؤلدی تقدیرینگ،
قیئیلدی ده، اوزیلدی شور مغدیرینگ.
نه قیلسنگ هم ایککی بؤلمه دی بیرینگ،
آچیلمی، ائیتیلمی قالدی کؤپ سیرینگ.
خیالده تیکیلگن سینیق تخت ایکن.
کولگولرینگ موزلب قاتدی دلینگده،
آغریقلرینگ چیچکله دی تیلینگده.
اؤلکسه خور قورله دی(1) حاصلینگده،
تین آلماقده بایوقوشلر مزلینگده.
خیالده تیکیلگن سینیق تخت ایکن.
کوچی حلال اؤزی حرام ایل بؤلدینگ،
عمری خزان، دوری تمام ایل بؤلدینگ.
آقیب کیتگن بؤتقه، لایقه سیل بؤلدینگ.
خیالده تیکیلگن سینیق تخت ایکن.
آته لرینگ باش و کؤکسیگه اوریب،
تامیریدن جان رشته سین سوغیریب،
تیشیک تاماق شوم غمیدن قئغوریب،
باله سینی ساتیب یدی، تیلموریب!
خیالده تیکیلگن سینیق تخت ایکن.
یازیق(2) بؤلدی" اؤزبیک" بؤلیب توغیلیش، قسمت بؤلدی اؤکسیک، خجالت اولیش. باقه سن دانگ قاتیب بو نی کؤرگولیک؟ بیلمی سن نیمه بو؟أیغی-می، کولیش.(1)قورله ماق- دوره اورماق، اؤره ب، چولغب آلماق.