انچه دن بیری طبعیمنی زنگ باسیب، شعر یازه آلمی، قئنه لیب یوریب ایدیم. اؤزی آقیب کیلدی، قئناققینه، بوگون یازدیم اؤقینگ عزیزلر.
بهار بؤل
+++++
قصیده
غمنی قؤلتیقلش نیدیر؟ إیش بیرله امیدوار بؤل، ایزگولیکّه قؤلنی چؤز، ائلب عمل همکار بؤل.
آچ بغیر آنه طبعیتگه، ایسین( نسیم) ساچسین إیپار،
تانگنی قوچماقچی ایسنگ، تون قؤیئنیده بیدار بؤل.
توشکونلیک یاقه لب، بؤئینگنی بوکمسدن بورون،
شاد یششگه تلپین و، قوناقلیکده بار بؤل.
آنه یر، بابا قویاش یوزینگه جیلمه یگن زمان،
سیو حیاتنی، شکریگه جان بیرله منتدار بؤل.
دُنیه و عقباسی کؤزیاشینگ تؤکیشگه ارزیمس،
بیر تبسّم بیرله هی! ائلب دمی دلدار بؤل.
جان دیب جانینگنی بیرمه، سادّه لیک باشگه بلا،
باشنی سقلش إیسته سنگ کؤنگلینگ سیرین اسرار بؤل.
دور باتقاغیگه باتدی سؤز و تیل سیز اؤزبیگیم،
بی بها گوهرنی بلچیقدین چیقر، إیلغار بؤل.
هر تؤکیسده قاقیلیش، هرلحظه یؤل سؤقماقدیر،
اؤیله گیل، آلدینده مودراق باریدن هوشیار بؤل.
مینگ تومن یاووزلیکلر ایکتدی دین آنگینگ ارا،
قاره یؤل، قاره ساغینماقدن سیره قئتار بؤل.
زورلر مظلوملرنینگ جسم و روح ققشه تر،
سین یتیم، گودک، ضعیف، بیچاره لرگه یار بؤل.
هر آدم نینگ اینگ کمی الده شگه إیکّی یوزی بار،
هرنه بؤلسنگ میلی وجدان آلدیده اقرار بؤل.
بیلگیل ای جانیم شعورینگده یاقیلگن گلچیراق،
إیچده گی دردینگ إیله آغریق سؤزینگ ائتار بؤل.
شور اؤیلر تؤریده قالدینگ، اؤره لدینگ، موز قاتیب،
شی لن و تورماققه اؤنگلن، بندیدن بیزار بؤل.
جانینگ إیچره ائریلیقلرنینگ اوروغین سیپتدیلر،
سین بشر نسلی اوچون ساغلام و بی آزار بؤل.
بارلیغینگنی سیم تیکندیک بؤلمه غور اؤی قورشه گن،
اختیار و جبر ارا ثابت اؤزینگ مختار بؤل.
تؤسیقلرنی ینگدینگ و کیلدینگ داونلردن آشیب، ماوی آسمان منگله ین اؤپماققه تیک چینار بؤل.
منگو آچون بیزنی تنلب اؤزیگه ایش ائله دی،
یخشیلیکلر هیکلین قور، یانیده یادگار بؤل.
قان تامیردن زیرقیره ب چیققن مینینگ ای سؤزلریم،
باشقه لرنینگ شعرلریگه اؤخشمس اشعار بؤل.
مللتیم نینگ تاغ سیمان دردین بیان ائلــَی دیسنگ،
تیرن تفکّر لر تره ت سین، عبرت و شهکار بؤل.
تیرن تفکّر لر تره ت سین، عبرت و شهکار بؤل.
اؤیغانیش و کؤکریشلردیر حیات نینگ بیلگیسی،
قریلیق یاقه نگنی توتگنده، إیشانچ بهار بؤل.
کانادا، تورانتو- 2018/05/14
ارسال در تاريخ 2018/5/15 توسط ایشانج
عمر
وه که عمروم برچه ضایع بؤلدی ایل کامی بیله،
بادۀ ناب اؤرنیده خوناب آشامیم بیله.
کیمسه یوز یل کامرانلیق قیلسه بیل کیم، ارزیمس،
دهر ارا بیر لحظه بؤلماقّه بیراو کامی بیله.
زهرنی اؤزکامی بیرله إیچسه آندین یخشی کیم،
إیچسه حیوان شربتین ناکاملیق جامی بیله.
یوز دلارام ائله گندین روضه حِبسی یخشیراق،
بؤلماق اؤز ویرانی إیچره کؤنگل آرامی بیله.
ای کؤنگول، ایل صبح عیشی ساری باقمه، خوی قیل،
فردلیغ ویرانیده محنت قرا شامی بیله.
قوشقه یونگ مسکن ارا خوشراق دورور آزادلیغ،
بؤلغانیدین بند ارا صیّاد ایپک دامی بیله.
بؤلماق إیتلر مُنعمی تن طعمه ائلب یخشیراق،
تنّی قیلغونچه سمین ناکسلر انعامی بیله.
جاه و مرکب بیرله، ای کیم، بارمه دینگ مقصد یؤلین،
قطع اؤلور بی توشه لیغ زادی فنا کامی بیله.
ای نوایی، حُزن إیله اؤتکر قاریلیق محنتین،
چون إیگیتلیک باردی عیش و عشرت ایّامی بیله.
ارسال در تاريخ 2018/5/13 توسط ایشانج