سیلاو
-----
تیلسیز قاره خلق نینگ إیچی تؤله درد،
قشقیرلر اویه لمی عرضین سؤره یدی.
یوز سیز تصویرلرگه بورکنـتیریلدی،
خجـالتـدن وطـن یـرگــه قــره یــدی.
کؤچه- کوی بیزه لدی قاره یوزلردن،
اؤقلر« کولگو»سیدن کلبه لر تؤلدی.
آزادلیک سؤیلدی، شادلیک خام تلاش،
عکسلر شمال نینگ کفنی بؤلدی.
تیبره نه آلمه یدی تشنه اختیار،
جهل و سیاستگه بیر عمرتوقین.
قوتقوگه میخلنگن جان سیز اراده،
نفسلر سنه لر اؤلیمدن آلدین.
زامبی لر قانلرگه طهارت آلیب،
سؤنگره مجلس سری آشیقه دیلر.
اولوش، اؤلجه سینی بغریگه باسیب،
ایلسیور بؤلیشیب، جان سیقه دیلر.
---------------------------
زامبی- قیمیره له یاتگن اؤلیک
قوتقو- قؤرقین، واهیمه
---------------------------
إیشانچ تؤره. تورانتو
17/10/2018
ارسال در تاريخ 2018/10/18 توسط ایشانج