ای یاوزلیک بنده سی سیز یورتنی ویران قیلدینگیز،
اؤلـــدیریب یاش و قـــرینی، داغده گریان قیلدینگیز،
کؤکدن غم یاغدیریب، ایلنـــی پریشـــان قیـــلدینگیز،
جهل آتیگه مینیب، عالمنـــی حیـــران قیلـــــدینگیـز،
آدمیتــــگه ایمـــــس، تنـــــگریگه عصیــان قیلدینگیز.
قؤل کیسیب، دارلر تیکیب، باشلرگه تاشلر یاغدیریب،
دین اوچون اؤز جنسینگیزنی مونچه بی شفقت قیریب،
آنگسیز یــــاشلرنـــی تــاپیب، تؤغری یؤلدن آزدیریب،
قؤلینگیـــزده سؤته- کلتک ایلــنی حیواندیـک سوریب،
اعتقـــادّه اؤق و بمــنی کــــؤیلک-إیشتــــان قیلدیــنگیز!
نرگی دنیاده حلال- اول بـــــاده نــــــی حـــــرام دیب،
ســـوت و مــــــی آقر اریقـــــــلرنی عجایب کام دیب،
قیـرغـاول(۱) گوشتی یو غلمان، سؤرینی(۲) ایّام دیب،
قــــؤلینگـــــیزده قانلـــــی قمچــــــی آیئن اسلام دیب،
آلتــی یـــاش قیــزلرنی آلماقــقــــــه شتــابان قلدینگی!
إیشی بؤلمــس قیز- عـیالنینگ قارنی تـــؤق و آچیـــدن،
نیگه قــــؤرقر «رب» ینـگیز، بیـچــاره خـاتـین سـاچیـــدن؟
مـــونچـه نفــــرت، مونچه وحشت سیوگی قلدیرغچیدن؟
سـؤرمه گی حالینگ نه؟- دیب یوپون(۳) و یـالانغـــاچیدن،
ایرکینی تاپتـب(۴) اولـرنینگ، قه قشه تیب قـان قیلدینگیز!
تــؤرت خـــاتین، تنبل آباد، حـور و غلمانــــلر اوچـــون،
تگ سیز ایرتک، نصیه وعده، خــــام پیمانــــلر اوچون،
مونچه لر بیـــداد قیـلر سیز نیــــگه یالغانلر اوچـــون؟
ای سیـــز شهوتـده یانگن، قــویروق و سانـلر اوچـون،
آخــــرت دیـب، بیـش کـــون دنیــانی زنـدان قیلدینگز!
کیـــر، یغیـــــر تنــــگه مناسب سلله یو تؤن و چاپان،
جولدور إیشتان -کویلک-او، پتو و چپلی سیزگه جان،
شامپودن وحشت قیلــرسیز، عطــر وصابوندن گمان،
تـــورخینگیزده کــــؤرمــه دیم سیــــره تمدندن نشان،
دربــــدر بیچاره یــــــورتنی ساقالستان قیلـــــدینگیز!
آرقــه نگیزنی هول قیلیب، مسجیدگه توشدی یؤلینگیز،
إیچینگــیز شیطان اویـه سی، فتنه اؤنگ و سؤلینگیز(۵)،
طعمـــه ســـــی کتته خـــــدادن مــلا یو(۶)چؤلیــغینگیز،
تیلینگیز یالغــانـــگه برّان، اؤغـــــــری لیککـــه قؤلینـگیز،
تنــــگری نینـــــگ آبروینــی بیر پولــگه ارزان قلدینگیز!
ایــرتــــه لبــدن پارتله تیش، قانگه اولنسه شامینگیز!
رحم وشفقـــــتـــدن خبـر یؤق، شومیدی اسلامینگیز؟
هر زمـــان هــــول و قــــوروقنی کویدیریب ایّامینگیز!
داغ بــــؤلیب تــــوشدی بشر شأنیگه قــاره نامینگیز!
سیــز شهــادت یؤلیده قــرآننـی قلــقان(۷) قلیدینگیز!
سیز گناهنی مؤل ایتیب، حجگه باره ر سیز شاشیلینچ،
دوزخیگه کویمه ین دیب دلـــده تــوککن سیز إیلینچ(۸)،
ایگیلیب یا بوکیلیب، الله نـــی الـــــدش سیــزگــه هیچ،
قئـــــــته دن ایتمی گناهنی کؤنگلینگیز تاپمه یدی تینچ،
نیگه خالــق بیرلــــه سیز نـــا تؤغری پیمان قیلدینگیز?
۱۰ اؤزگـــــه چــــه اؤیلاوچیلرنی نجس و کافــر توتیب،
مینگلرینی اؤلـــــدیریب، میلیونــــــلرینی قـؤرقیتــب،
باشقه دینلرگه إیشانگنلرنی هر کون کـــــــم ستیب،
سیز یره تگن نامیـــــدن جیرکنچ فـــتوالر بیتیــــب؟
باتقــــاق اؤپقانیـــدن اؤزینی نمـــایان قیـــــلدینگیز .
دربــــدر یــــورتــده آدمــــلر بیر-بیریگه یار ایدی،
آدمیلیکدن نشان سیوگی-محبّت بـــــار ایدی،
باشیگه توشگنده کلفت، ایلکه داش غمخوار ایدی،
قؤشنی اوئیده خسته انسان دردیدن بیدار ایدی،
شوم آیاق بیرلن کیلیب، میداننی تقران قیلدینگیز.
سؤرسه لر گر دینگیزده مهر و شفقت بارمی، دیب؟
" بسّم الله..." کیلتیریب، رحمان و رحمت بارمی، دیب؟
سیز یره تگن دین و دولتــده شرافت بارمی، دیب؟
یانه سؤرسه قیلمیش ینگیزدن ندامت بارمی، دیب؟
آق سوت و توز، آنه گه بیر زرّه حرمت بارمـی، دیب؟
« قاتلو فی سبیل الله ...»نی برهان قیلدینگیز!
شوخ-شوخ کولگو ساچیب مستانه اؤینشلر قنی؟
تار جرنگی آستیده اؤیناقی کویلشلرنی قنی؟
إیکّی کؤنگیل بیر بؤلیب، ساغینچلی سؤیلشلر قنی؟
کؤکلمزار اوزره اغنب، شاد بؤیلشلر قنی؟
تویغولرنی غیژده لب، آرزونی قربان قیلدینگیز.
سیزنی کورسه جیرنکنر بایقوش اینیده کیچقرون،
کؤرسه قشقیرلر قاچر لعنتلر ائتیب، تون و کون،
آنگینگیزده مرضلر دن توگون اوزره توگون،
اویغانر یا قؤزغالر ایل دورنینگیز بؤلمس اوزون.
هر نی آلچاقلیک ایسه، بؤگنچه امکان قیلدینگیز.
شوخ-شوخ کولگو ساچیب مستانه اؤینشلر قنی؟
تار جرنگی آستیده اؤیناقی کویلشلرنی قنی؟
إیکّی کؤنگیل بیر بؤلیب، ساغینچلی سؤیلشلر قنی؟
کؤکلمزار اوزره اغنب، شاد بؤیلشلر(1)قنی؟
تویغولرنی غیژده لب، آرزونی قربان قیلدینگیز.
-------------------------------------------------