یازمه و آغزه کی ادبیاتیمیز إیلدیزلری مینگ أیللیکلر توبیدن سو إیچه دی. بو معظّم ادبیات اؤزیگه یره شه ادبی شکل و ژانرلریگه هم ایگه بؤلگن. قدیمگی ادبی ژانرلر تاریخدن قالگن کهنه بیتکلریمیزده مهرلب کیتیلگن. بولردن اؤنگه یقینینی اولوغ بابامیز علیشیر نوایی اؤز اثرلریده قید ایتیب کیتگن بؤلسه، ینه بیر قیسمینی بویوک تورکشناس محمود کاشغری، اولکن یوسف خاص حاجب و قالگن کتته قسملری ایسه اورخون اینه سای و تورفان... بیتیکلریده یازیب قالدیریلگن. ایندی، شو ایسکی ادبی ژانرلردن ائریملرینی سنب اؤته میز و نوبتده گی مقاله لریمیزده اولر حقیده، تؤلیق و بتـفصیل معـلومـات بیـره میز: بیلیگ -bilig.اؤتلوک o’tluk-، تبزوغ-'tabzug’، سَندروش sandrush-، أیغی-یؤقلاو -yig’-yo’qlov، تؤرتلیک -to’rtlik، تویوق-tuyuq و باشقه لر. حرمتلی اؤقووچیلر بو تورکوم مقاله لرنی یازیشدن آلدین منه بولرنی تاکیدله ماقچی ایدیم. مذکور قدیمگی ادبی ژانرلرنی بیریب باریشدن مقصد تیلداشلریمیزنی تفکّر قیلیشگه اونده ش، اؤزلیگی و کیملیگینی انگلش، بیلیشگه تشویق ایتیشدیر.اخ! اؤزبیک لیگیمیز/ تورک لیگیمیز ماهیتیگه اهمیت قره تسک؛ سیزنی-کو، بیلمه دیم مینینگ إیچیم ویران، جانیم و روح و راونیم آغدر-تؤنتر بؤلیب کیته دی. باردی شولردن بیر قـه تیمینی تیلگه آلیشیم بیلن عرب پرستلر هجومیگه دوچ کیله من. تکفیر تاشلری باشیمگه یاغیله باشله یدی. نیمه؟ بیر سین می تورکلیک/ اؤزبیکلیک تاشینی کؤکسیگه اورگووچی؟ یا سینگه قالیبدیمی شو گپلر دیه اؤزیمنی کایئیمن، قیئنه یمن راستینی سؤره سنگیز.
منه بو آغریقلی گپلرگه نیمه دیئیسیز حرمتلی ملتداشلریم؟
- ادبیاتیمیزنینگ وزن و ژانرلری عربچه ایمسمی؛
- مقدّدپس(؟) قرآن کتابیمیز عرب تیلیده؛
- خدانینگ(؟) ایلچیسی، پیغمبر محمد عرب؛ - چؤقینیش، تاپینیش تامانیمیز مکّه؛
- نریگی(؟)دنیا داستانلری هم عربلر قؤلیده!
میلی، ادبی علاقه لر بؤلسه مرحمت، إیکّی تامانلمه بؤلسین-ده.
توره إیشانچ گانادا/ تورنتو