عرب دستانیدن آنگی گزه ک بیمار مللتمیز،
یوقاتیب اؤزلیکن منقورت بؤلگن خوار مللتمیز.
توغیلگندن قولاغیگه اؤقیب یالغانلرنی مؤل،
اوچونیب حور و غلمانلرگه انتظار مللتمیز.
سرابلرنی صنم دیب، اقچه میزنی کؤکّه ساورگن،
عرب شیخیگه قوللوق ائله گن جرار مللتمیز.
باشیده خام خیاللرنی پیشیرگن، تنبل آبادگه -
تیکیب، اؤز بار و یاغین، در- بدر بیکارمللتمیز.
عربچه چیرت و پیرتلرنی یره تگن نینگ کلامی دیب،
یاووزلیکدن اؤگیرمی یوز، عجب دیندار مللتمیز؟!
قویوب آخوند و ملا اذنیگه إیکّی دنیامیز،
قیلیب عقلنی تعطیل یتگودیک، تیّار مللتمیز.
آلیب قورشاووگه بیزنی سیم تیکندیک جادو و جمبل،
خرافات و طومار- تعویضلرگه یار مللتمیز.
دعالرنینگ چریک ارقانیگه بؤینیدن آسیغلیق،
« آمین!»گه قؤل آچیب، غیبینی کؤزلب بار مللتمیز.
کثافتگه کؤمیلدیک، بولغه دیک پاکیزه دنیانی،
اؤزینی اسره گن گویا هنوز هوشیار مللتمیز.
بوتون عمرینی تیلبه - تیسکری داستانگه خرج ائلب،
اؤلومنی ایلگه ساتگن، عالمی بسیارمللتمیز.
بیلیم دانش نینگ میوه سین یب کؤزلرین یومگن،
تؤقیب سفسطه لرنی علمدن بیزار ملتمیز.
ظلم نینگ داش قازاننیده قاوریلدیک، نیگه پیشمی میز؟
سیاست إیتلریدن بیر سویک قرضدار ملت میز.
إیشانچ کفر ائتدی، دیب قؤزاغلسه ایل هردم، عجب ایرمس،
اؤلوم افیونی یو، دین آغوسیدین خمّار مللتمیز.