گر اده شسم، إیلگیم اوشلب یؤلگه باشلار ایردینگیز،
یالغیز ایرسم مین بیلن یانیمده تورار ایردینگیز،
باش سَیلب، آشفته کؤنگلیم قولفین آچار ایردینگیز،
دردیم آلماققه إیلیق سؤزلرنی ائتار ایردینگیز،
بیر کون، ای هوش و خرد، مین تیلبه گه یار ایردینگیز،
بیخبر هم بؤلسم اؤزدین، سیز خبردار ایردینگیز.
إیش یوریشمی قالگن آنلر مهربان یار و شفیق،
ائلب یؤلداش، بیزنی محرم تاپدینگیز اؤکتم، لایق،
سیوگی آتلیق اؤتنی سالیب، خسته کؤنگلیمگه عمیق،
بو یؤریق بیرله یشش راز و سیرین ائتییب دقیق،
درد یتکنده دَواج و، یالغوز ایرکنده رفیق،
غصّه وقتی یار و غمگین لیکده غمخوار ایردینگیز.
آنگدین ائرا هر بیر انسان انگله سنگ گویا اؤلیک،
باشقه لر بیرلن کؤنگیل تارینی باغلشه گن تیریک،
سین اگر چؤغ سالمه سنگ کؤنگیلگ، پیک،
باش اوره رگه تؤرت تامان -یاپیقدورور- برچه ایشیک،
نـَـیله دیم، نیتّیم که، بیر یؤلی چیکیب میندین إیلیک،
ایمدی ایرمستور سیز انداق کیم، بورون بار ایردینگیز.
بیر یؤلاووچی منگولیک ساری آدیملب تون و کون،
باش چیکیب دلده اومَه نچ، آلغه بار ه ر مین یؤل اوزون،
بیر یوموش اؤنگله نمه ئین مینگ إیشگه چون توشدی توگون،
یاغدونی کؤنگلیمگه جایله نگیز قرا توشمی بورون،
بؤلمسه هوش و خرد غمخواریم، ای عشق و جنون،
سیز بؤلونگ باقی که، حالیمغه مددکار ایردینگیز.
کؤرکه بایلردن أیراق ایزیلمه نگ ای جان و کؤنگو ل،
هر نی کیلسه بغرینگیزنی تیلمه نگ ای جان و کؤنگول،
هر نی کیلدی سیوگیدین اوزیلمه نگ ای جان و کؤنگول،
کؤزگه آغریقلر بلاسین إیلمنگه ای جان و کؤنگول،
عشق اگر زار ایتّی، افغان قیلمه نگ، ای جان و کؤنگول،
تاکه سیز بار ایردینگیز، عشق إیلگیده زار ایردینگیز.
اؤزگه لر جان ملکینی آغدردی-یو، قیلدی ستم،
ایکتی یاوزلیک اورغین، قؤیمه دی بیر زرّه کم،
اؤزلیگ ایمریلدی، بیتدی برچه میز بؤلیدک قره م،
سیزگیلر سؤلدی، فغان إیچره قوریب کؤزلرده نم،
ساتمه نگیز عالمغه سودایی ایسه م، ای درد و غم،
کیم، مینگه عشق إیچره دایم سیز خریدار ایردینگیز.
ایل کؤزیدین توشدی بیر کون قدرینگیز، نی عیب کیم،
یاغدو ساچمی سؤندی کؤکده بدرینگیز نی عیب کیم،
گر آچیلمس قاره قاپلاق کدرینگیز، نی عیب کیم،
باشینگیزده بیتگوسی دیر هدرینگیز نی عیب کیم،
ای زمان اهلی، فسون و غدرینگیز، نی عیب کیم،
هم زماندیک دایم افسون ساز و غدّار ایردینگیز.
منطق ایرمس کعبه سی، سیز تنگریگه قاوشکلی،
بیش فرضی یؤل ایمس جنتگه باریب توشکلی،
هیچ کیره کمسدور قرآن، کافر بیلن سالیشکلی،
تربیت مس بارسنگیز غلمان بیلن قوچیشکلی،
رندلر بس تیره دور، سیز خانقه غه توشکــَـلی،
ای خوش اول کون کیم، مقیم ِ کوی ِ خمّار ایردینگیز.
آق قیئین مس، باغده کؤساولرنی اؤستیرگن اولوس،
تازه یانغاق دیب، پؤچاقلر اوشاغین تیرگن اولوس،
شاعرین سیغدیرمه ین غربتده کیزدیگن اولوس،
یاوگه قرشی آلپلرچه کؤکسینی کیرگن اولو،
شام ِ هجریدین نوایی نینگ خبر بیرگن اولوس،
گوئیا کیم کیچه تانگ آتقونچه بیدار ایردینگیز.
کانادا/تورانتو