دفتر حاشیه سیده گی تؤرتلیکلردن:
سکوت إیچره عصیان باشلب کیته من،
خام، سؤقیر کؤزلرنی یاشلب کیته میز.
دردیم اؤلدیره دی، إیچیمده اؤکینچ،
آخر بو زیل یوکنی تشلب کیته من.
+++
حور ایمس میز توتفون اؤز قؤلیمیزدن،
چؤغ ایمس میز اوچقون اؤز قؤلیمیزدن.
زمان چارله یدی اؤزگر، ایوریل دیه،
إیشده گی توگون میز اؤز قؤلمیزدن.
یره تگننی ایرتک، داستانگه اؤره ب،
دین دیگن آغونی إیچیریب، سؤنگره،
ملاگه بؤش مییه، قؤش قولاق کیره ک،
آنگ سیز، نادانلرگه شَـتلاق(1) کیر ه ک.
إیکّسینی یالغیز گور تؤغریله یدی،
آچیق کؤزگه معنا یو سباق کیره ک.
------------------------------------
(1) عربچه بؤلمه گن سؤزلرنی تلاوت قیلیشگه اشاره
ارسال در تاريخ 2019/4/25 توسط ایشانج