ساقی
توت غریب اون بیله پیمانه منگه،
أیغله ماق حالیمه بیر دم فن ایتــَی،
زار و بیکس لیگیمه شیون ایتــَی.
کیم، جهان إیچره بسی سَیر ایتِّیم،
دَیر و مسجدقه داغی کؤپ یتِّیم.
قوم - قوم إِیچره کؤروب محنتلر،
خیل - خیل إِیچره چیکیب شدَّتلر.
یوزله نیب شوکت و، جاه و اقبال،
هر نی ایل قیلدی طلب، مین تاپتیم،
برچه دن سیلکیب ایتک، کؤز یاپتیم.
اولچه مین تاپقه لی بار ایردی هوس،
کیم، تاپیلمه دی وفا ایردی یو بس.
بیر وفا کیمگه که، مین قیلدیم فاش،
کؤز انینگ یؤلیغه کیم، یتکوردوم،
کؤزده یوز نیش ِ بلاسین کؤردوم.
قیسی نینگ آللیده کیم، قؤیدوم باش،
کیم که مدحینی دیدی نیچه تیلیم،
تیله دی قیلغـَی انی نیچه تیلیم.
اول که، اوصافی منگه اؤلدی رقم،
إیسته دی ائله مک إیلگیمنی قلم.
جان بیریب، درد و بلا یتّی منگه.
ائلــَره م مین داغی جانیمغه جفا.
گرچه مین درد چیکیب، غصَّه یوتـَی،
اؤزنی نی نوع اول إیش اهلی توتــَی.
قیله دورمین تُهمت اؤز- اؤزیمه.
اَولا اولدورکه، بو سؤزدین کیچسم،
مَی اؤزوم توتسم، اؤزوم- اؤق إیچسم.
یؤق وفا اهلی که، بیر جام ِ وفا،
توتسه، قیلمَی منگه بیداد و جفا.
شام ِعیش اؤزنی اؤزوم مست قیلــَی،