نوایی نینگ مزاری اوستیده بوندن 55 أیل إیلگری اتیلگن بیشلیک اکادیمیک شاعرغفور غلام
ائلب
دلیم روشن لیگین حسّیم یؤلیده آفتاب ائلب
مزارینگ باشیده تورمکده دور مین سر حساب ائلب،
قولاغینگ سؤز ایشیتمس بؤلسه هم قلبدین خطاب ائلب،
وطنداشلر سلامین نیچه جلدلی بیر کتاب ائلب،
نوایی دیب مصلی گه کیلیب من انتخاب ائلب.
سمرقند، اندیجان، تاشکند و اورگنج و بخارادن،
اؤزینگ نشو و نما تاپگن شرفلی- شانلی ماوادن
سینینگ آروزلرینگ رویابگه چیققن ینگی دنیادن،
تومن فرهاد وشیرین سو چیقرگن بختلی صحرادن،
عجب گلدسته کیلتیردیم، اونگه زرین طناب ائلب.
کتابینگ کیرمه گن اؤزبیک ایلیده خانه دان یؤقدیر،
رباب و کویلرینگ یاد بیلمه گن بیر جانه - جان یؤقدیر،
یتوک اولادلرینگدیر علم و دانشلی، گمان یؤقدیرر.
بشر تاریخینی یوز بار اؤقوی بونده ی زمان یؤقدیر،
کؤنگلرنی یارتدینگ معرفتدن ماهتاب ایلب.
وطن آسمانیده نورگه تؤله آفتابینی، یولدوزنی،
بویوک اقبالنی ایجاد ائله گن مینگلرچه گل یوزنی،
قارانغی شامی یؤق دایم منور بختلی کوندوزنی،
جمالینی کؤریشگه بیر عمرلر یومّه ئین کؤزنی،
« نوایی هم یاتر تا روز ِ محشر ترک خواب ائلب».
_______________________