هایکو
--------
بؤم- بؤش یاتاقده،
خیالگه بورکه نیب،
یاستیقنی قوچاقلب أیغله یدی توشلر.
+++
قنچه - قنچه سیرلر
یشیرین قالر
شمال نینگ تیلینی بیلمس لیک اوچون.
+++
کــَـپلک اؤزینی
آینه گه اوردی
النگه ده چؤمیلقماق اوچون!
+++
هوا بؤغیق،
درختلر یالانغاچ،
تومن ایلین سالماقده یرگه.
+++
خیال إیزیدن چاپه من
یتی- یتی دیگنده
هورکوته دی ماشینلر تاووشی.
+++
کؤزلریمدن یاغیلر ساغینچ
نیگه دیر
آپّاق قاغد اوزره
ساچیلیب کیته دی.
+++
یالغیزلیکدنمی؟
یامغیر شیترله یدی
دیریزه نی چیرتیب.
+++
عیب موسیچه ده دیب
قیچقیره ر آلامان.
آلیسلردن ساووق خومره یر قوزغون.
+++
کؤپشیگن یر
کؤکسینی یلنگلب،
یامغیرنینگ شیره سینی سؤرماقده.
+++
قیشلاقنی ساغیندیم،
باره ی دیسم؛
اذان إینگراقیدن قؤرقه من.
ارسال در تاريخ 2018/11/28 توسط ایشانج