سؤنگّی ایضاح
--------------
تورک پرستلیک ملتپرورلیک ایمس
+++++++++++++++++++
معرفت سیزلیک، معلومات سیزلیک، حسّیات و جزّه کی لیک بیلن ملت پرور بؤلیب قالمه یدی کیشی. انسانده یترلی بیلیم، هومانیزیم و ضیالی لیک مقامی بؤلسه گینه« تورک»سؤزی مغرور جرنگله یدی؛ سوادسیزلیک، بیهوده غرور بیلن ایمس. باشقه لر هم اؤز ملتینی یوکسلرگه کؤرتیشگه حقلی. نیمه، بو دنیاگه کیلیب، ملت اوروشتیریشدن اؤزگه إیشیمیز یؤقمی بیز اولادنینگ؟ تؤغری، بیز تورک میز، مثبت إیشلریمیز هم یؤق ایمس. بیراق، عربلرنینگ اؤتکیر قیلیچی بؤلگنمیز، اولرنینگ خذمتگاری، کله کیسرلری بؤلگه نیمیزنی انکار قیلیب بؤلمه یدی کو. عرب دینی ایدیالوگیه سینی اوچ قاره ده حکمران قیلگن بیز تورکلر بؤله میز. دنیا بیزنینگ ایکّن درخت نینگ اچّیق میوه سی تاتیب کیله یاتیر وادریغ. « تورکلیک»دن اویله سین گاهده، افسوس!!!
بو نیمه سی؟
-----------
تیلیمیزگه آتیله یاتگن تهمت تاشلری نیگه تؤخته مه یپتی؟!
افغانستانده گی تیلداشلریمیز اؤزبیک تیلی و ادبیّاتیدن یخشی خبردار بؤلگه گنلری حالده، اؤز تیلی و ادبیّاتیگه حرمت سیزلیک قیلیب کیلماقده لر. اؤزلیگینی انکار قیلیش، تیلینی، ادبیّات و مدنیتیدن تانماق( انکار) حرمت سیزلیک ایمی نیمه؟ بو ملتداشلریمیز کاشکی بیرگینه اؤز تیلی اوستیدن کولیب جیم یوریشسه ایدی؛ بوتون تورکی تیللرنینگ آیاغینی آسماندن کیلتیریب، چیرت و پیرت گپلرنی یازیب یاتیبتدیلر. مین اولردن شونی سؤره ماقچی من که، 30 یقین تورکی تیلردن قیسی بیرینی بیله سیز؟ قیسی بیریده تؤغری یازیب، تؤغری گپلشه آله سیز؟ اجازت بیرینگ سیزنینگ اؤرنیگیزده مین جواب قیله قالی. هیچ بیریده تؤغری یازیب، تؤرغری گپلشه آلمه یسیز. بیرینچی نوبتده اؤزبیک تیلینگیز یؤق، نؤناقسیز. « اول اؤزیگّه باق کیئین ناغره قاق»، دیئدی دانا خلقیمیز. نیمه ایمش؛« اؤزبیک تیلی دیگن تیل یؤق ایمش»یاکه « اؤزبیک تیلی تورک تیلی نینگ بیر لهجه سی یاخود، عینن تورک تیلی نینگ اؤزی ایمش». هی -هی!! عقل و شعورینگیزگه قایل! بللی سیزگه!!!
اگر نادانلرگه نوبل مکافاتی بیریله دیگن بؤلسه، هیچ إیکّی لنمسدن سیزلرگه، یعنی افغانستان تورک پرستلریگه بیریلسین دیگن تکلیف اؤرته گه چیقسه، ینگلیشیلمه گن إیش بؤلر ایدی.
کمینه« تورک تیلی»، « چیغتای تیلی» تؤغریسیده جوده کؤپ مقاله یازدیم. سؤزلریمیز تورک پرستلرنینگ آنگینی یاریتیشگه عاجزلیک قیلدی شیکللی؛ یاغدو ساچیسیمیز بیکارگه کیتدی چمه سی. ایندیلیکده« چیغتای تیلی» خصوصیده علیحده کتاب اوستیده إیشله ماقده من. اونینگ إیلدیزلرینی تاپماق إیلینجیده من. مطلقا ائتیلمه گن ینگی فکرلر بیلن مساله نینگ إیچیگه کیریب باریشنی ریجه لشتیرماقده من. « چیغتای تیلی»دیگن نامنی إیلک بار بیزگه، بیزنینگ رقیبیمیز، گاهده دشمنیمیز فارسلر بیریشگن... نیمه گه لیگی باشقه مساله.
« تورک تیلی»خصوصیده آخرگی سؤزیمیز شوکه، حاضرگی کونده« تورک تیلی»دیگن تیل دنیاد موجود ایمس. بو تیل ایسکیریب، اؤز اؤرنینی الـله قچان باشقه تورکی تیللرگه بؤشه تیب بیرگن. قرداشلریمیز بؤلمیش تورکیه ده استقامت قیلووچی تورکلر( کم سیتیشدن أیراق میز)نینگ نه تیللریده نامی بار و نه ده اؤزلریده( ملت نامی). اولر برچه تورکی تیللر اوچون بابا سنه لگن« تورک»تیلی سؤزینی هم خلق نامی، همده تیل نامی صفتیده اؤزینکی قیلیب اؤزلشتیرگنلر(فکر بیزدن- إیشانچ).
تورک قرداشلریمیزنینگ ملت نامی اولرنینگ سلطانلری آتی بیلن یوریتیلگن. تیللری ایسه تاریخده« عثمانلی»،« رومی»،« انادؤلی» تیلی دیه اعتراف ایتیلگن. یقین- یقینگچه، منه میزا مهدی خان استرابادی اؤزی نینگ« سنگلاخ» سؤزلیگیده دیرلی هر بیر سؤزیده« رومی»تیل دیه کیچیک آسیالیک قرداشلر تیلیگه استناد قیله دی.
تورک قرداشلرمیز اصلیده، سلجوقلرنینگ بیر بؤلگی بؤلیب، بوندن مینگ أیل بورنه اؤرته آسیادن چیقیب، مدیترانه بؤیلب کیچیک آسیانی اشغال قیلگنلر و اؤشه یرده اؤتراقله شیب، رومی تیل و عثمانلی خلقنی شکللنتیرگنلر.
ارسال در تاريخ 2018/11/26 توسط ایشانج