کیـپریگینگ یالقـین ساچــیب صنعـتنی ائلب ابتدا،
جان تامیب برماقلرینگدن اون سالیب، قیلدی دی ندا،
بوهـــنرگه باش ایگــــیب، آلقیش له ایتینگ التـجا،
چونکی، هــربیر رنگیـــده سیرلی توگیــلگـن انـتـها،
سورمه ینگلیغ حسلرینگنی إیکّی کؤزیمگه سوره ی.

« بیر بؤلی لیک اؤزبیگیم دیب»، ایلگه کیم آچسه قوچاغ،
ایـــتـلریگه توز تیقیب، بغریگه قـؤیـگی ینـگــی داغ،
پاره-پاره یورتــنی قــَشقیرلر ته لب، قیــلدی اداغ،
تیل کیتیب، درمان إیله، ارمان کیتیب-ده کیتدی باغ،
آنه تورکستان یوزین مین قیسی کؤزگـوده کــؤره ی.

تولپاریم مودرب أیـقیلدی، اؤتمیــشیـم بؤلدی زوال،
کیمنی کؤرمنگ بیر- بیریگه یات و یاوز، ملال،
تؤقـسان آلتی اورغوغنی تینگ توتـیش اصلا، محال،
سـوت بیلن کیرگن قیلیـق، جاندن اریلماغی سوال!
قیــسی بیر کهنه مزار اوستـیـده أیـغـلب اؤلــتیره ی؟

قیسی تاریخ ایشیگین قاقسم ایکین باشیم تیره ب؟
یوز شیبیت، تورقی سامان بو ایل نینگ احوالین سۉره ب،
اۉزلیگیم تاپته لدی، ققشب سیندی، تۉکیلدی نسب،
اۉزبیک آتلیق کهنه ایلدین قالدی بیر هاووچ عرب،
کؤزیم آچیقلیکده شوم یازیقنی قۉینگ سیندیره ی.

بو شکایت نامه نی کیم قنـــچه ائتسم کم دیــدیـم،
سؤز توغیلمس، آنگ یوکسلمس بلا، پی هم دیدیم،
بارلیغیینگنی مللتیم، توشوکونلیگـیمدن غم دیـدیم،
کیچیر اؤغلانیـنگنی، گرشمشاد قـدینـگ خم دیـدیم،
چین قلمکشــدیک فکر کینگـــلیکلریده آت سوره ی.

-----------
1. یازیق- گناه؛ بو یرده تقدیر، قسمت معناسیده کیلگن.