نوایی نینگ شاه غزللریدن
------------------------->>
شاعرنینگ کؤنگلینی بوزگن، هوشینی تؤزیتگن، إیچیگه طغیان آلاووینی یاققن سؤزلر بو غزل. شاعری خسته خاطر یورتدن آسایشته لی اریدی.
خسته خاطر
------------
بو کون اهل ِ جهاندین خسته خاطرمین، جهاندین هم،
دیمان اهل ِ جهان بیرله جهان، بلکه، جاندین هم.
مینی جان و جهاندین هجر وقتی کیم ملول ایتگی،
وطن یا ملکدین خودکیم، دیسون، بل خانماندین هم.
کؤنگولدین جانغه یتتییم، ای اجل نیتگی خلاص ایتسنگ،
مینی اول تیلبه دین، اول تیلبه نی مین ناتواندین هم.
نی ائریلماق دورورکیم یار تا ائریلدی، ائریلمیش،
کؤنگول میندین، فغان کؤنگلومدین و اؤتلر فغاندین هم.
مینگه جانان سیز اؤلمک یخشیراق، ای خضر، یوز قتله،
کیتورسنگ مژده اؤلماق بیرله عمر ِ جاویداندین هم.
نفس قطع اؤلدی اول یوز فرقتیدین، کؤزگو کیلتورمنگ،
که مین ایمدی قوتولدیم ابتلاسیز امتحاندین هم.
یامان یخشیغه کؤپ ظلم ایتمه گیل کیم، گر بودور دوران،
قوتولغونگ کیم که اندین یخشیراق یؤق، مین یاماندین هم.
إیتیگه طعمه، دربانیغه بؤلسون متکا، اؤلسم،
تنیم اول کوییدین آلمه نگ، باشیم اول آستاندین هم.
فقیه و کعبه، رندو میکده، خشتور نوایی کیم،
سینینگ یادینگ بیله موندین ایرور آزاد و آندین هم.
ارسال در تاريخ 2018/9/19 توسط ایشانج