ائـرو کؤنگول
>>>>>>>
یاردین ائرو کؤنگول ملکیدورور سلطانی یؤق. مُلک کیم سلطانی یؤق جسمیدورورکیم، جانی یؤق.
جسمدین جانسیز نی حاصل ای مسلمانلر کیم، اول،
بیر قرا توفراغدیکدور کیم، گل و ریحانی یؤق.
بیر قرا توفراغ کیم، یؤقتور گل و ریحان انگه،
اول قرانغو کیچه دیکدورکیم، مۀ تابانی یؤق.
اول قرانغو کیچه کیم یؤقتورمهِ تابان انگه،
ظلمتی دیکدورکیم، آنینگ سر چمشمۀ حیوانی یؤق.
ظلمتی کیم، چشمۀ حیوانی آنینگ بؤلمغی. دوزخیدور کیم، یانیده روضۀ رضوانی یؤق.
دوزخی کیم، روضۀ رضواندین اؤلغی ناامید،
بیر خماری دورکه، انده مستلیق امکانی یؤق.
ای نوایی، بار انگه مونداغ عقوبتلرکه، بار،
هجریدین دردی، ولیکن وصلدین درمانی یؤق.
ارسال در تاريخ 2018/3/24 توسط ایشانج