چیرمه شیب

خوشتورور بیر تیره شام ِهجر إیکی یار اوچره شیب،
تاپیشیب، بیر- بیرلرین محکم قوچوشوب، أیغله شیب.

هجر دردی یو فراق اندوهیغه تسکین بؤله،
اولتوروب الفت بیله، بیر- بیرلریگه یانده شیب.

فرقت ایّامیده هر بیرنینگ باشیگه کیلگنین،
یوز تومن همدردلیغلر بیرله هر دم سؤزله شب.

گاه وصل اقبالی نینگ عشرتلریدین شُکر دیب،
گه فراق ادباری نینگ شدّتلریدین مونگره شیب.

گاه إیکّی رشته ینگلیغ کیم، تاپر بیر- بیرگه تاب،
إیکّیلیک فهم اؤلماغودیک بیر- بیریگه چیرمه شیب.

 گه بو چیرمنماغ آچیلغنده هم إیکّی رشته دیک،
تاب آچیلسه قـَیتره هم بیر- بیریگه تؤلغه شیب.

إیکّی یاندین قؤل حمایل بیرک- بیرک انداق چیکیب،                                       کیم، ینه بیر- بیریدین ائریلمس مثللیک اؤرمه شیب.

عین ِوصل إیچره إیشی اؤتسه شکایت موجبی،
إیکّی یاندین رفع ایتیب، بیر- بیرلرینی الده شیب.

ای نوایی، بو محال اندیشه غه چیرمشمه کؤپ،
جرأت ائلب بی تعاشی سؤزلرینگ حدّین آشیب.