مناجات
>>>>
خدایا!
اجازت بیر مناجاتیمنی باشله ی،
ثنا وحمدنی بیر یاقّه تشله ی.
خداوندا سینینگ بیرلن إیشیم بار،
سینینگ موجودلیگیندن تشویشیم بار.
فقط سین سن بو عالم فتنه باشی،
کلامینگدور بشرنینگ اختشاشی.
إیشینگ نیدین ملا عمرگه توشتی،
مقاماتینگ گلبدینگه توتاشتی.
خُمینی یو داعشدور ایرکه تاینگ،
آدم قانی بیلن آقماقده ساینگ.
قؤلینگدن کیلسه حضرت! بیر هنر قیل،
آخوند و ملانی زیر و زبر قیل.
سؤره یمن نیگه کؤزلردن أیراق سن؟
نیدین مونچه آچیلمس جومباق سن؟
سؤره یمن سین هنور هـم بارمـی سین؟ دیب،
بو کینگ بارلیقّه ایش و یارمی سن؟ دیب.
هنـوز هـم سین اؤشـه قهّارمی، قـهّار؟!
ظلمدن تؤیمــه گــن جبّارمــی، جبّار؟!
هنوز هم سین اؤشه مکّارمی، مکّار؟!
عــداوت، فتـنه اؤتـیگه گـرفـتار؟
گودک ساووقدن اؤلسه رحمتینگمی؟
خاتین - قیز خورلنسه شوکتینگمی؟
زغیرچه بارمی سینده هوش و تشویش؟
خاتینلرنی جزالشدن بؤلک إیش؟
اؤسادیم حضرتیم بو بنده لیکدن،
سین هم قؤل تارتگیل شرمنده لیکدن.
بشر باشیگه تاش بیتگن آغیرسن!
نه مونچه رحمی یؤق بیر تاشبغیرسن؟
هــنوز هــم آبــرویــنگ بــرقـرارمی؟
خـداوندلیـک مـقامینـگ پــایــدارمـی؟
قاشینگده یـاوزلیـک بـاشدن آشتی،
جهالــت آتـشی کـؤکّــه تــوتـاشتـی.
جهـادینگ حکمیدن آچونده کون یؤق،
اگر کون بؤلسه، کؤزیومیشگه تون یؤق.
بیــلرسنــمی، بشــر احــوالی تنگـدیر،
اؤلیم اوزره اؤلیم، جنگ اوزره جنگدیر.
بیــلرسنـــمی إیچیمـدیـر غـم مــزاری،
کــؤمیلــگن اونـــده آرزولـر بهــاری.
تیلمــگه تقـــدیریـــم قولفی سالیـنگن،
کؤنگیلنی قیغولر بــاشاغـــی تیلگن.
عرب شیخی اوچون زور دوکان آچدینگ،
تؤله ر پول بویروغین عالمگه ساچدینگ.
خداوندلیک شومی؟ شیطان اسیری،
شریک اؤغریگه، مظلوم دستگیری.
ایشیتّیم حضرتیم ناز اؤیقوده موش،
شرین توشدن قیامت قؤپسه تورمیش.
.........................................
.........................................
همّه سی بؤلیب یوز بیت
دوامی بار