قلم
***
یازه من
بی ثمر غمریم فصللری
باشیم اوزره نوره مه سین دیه-
یازه من.
بؤغزیمده توگیلیب یاتگن تاووشلریم
اوشه لمه سین
و
چیکّن خورلیکلریم تیلگه کیرمه سین دیه-
قلم سوره من.
اؤتمیشیم یره لری تغین آغز آچمه سین،
باریمدن قالگه نینی ینه اؤز اؤپقانیگه تارتیب،
یوتیب یوبارمه سین دیه-
یازه من.
مکتب نینگ غاو-غاو خیمچه لری
تنه مدن باش کؤتریب، ینه - ینه
سَـوَلشگه توشمه سین دیه-
یازه من.
اونوتیلگن بیزاوته توشلریم
میه م تؤقیمه لرینی سؤتیب یوبارمه سین،
دیه یازه من.
چینقیراق تونلریمنی قئتب توش کؤرمه ئین دیه-
یازه من.
و
مین سیغمی قالگن تار آچوننی
کینگه یتیریش اوچون یازه من.
همده
یازه من
یره تگننی عرش اعلی سیدن
تا
بختی قرا یرگه توشورمه گونچه-
یازه من.
ارسال در تاريخ 2016/9/24 توسط ایشانج