نوایی حکمتلری

(بیر مینگ اؤگیت)
901
هر کیمگه کیم، بیر وفا کؤرگوزدوم یوز بی وفالیغ کؤرمه گونچه قوتوله آلمه دیم.
902
هر دشوار إیش که، مال صرف ایتمَک بیله میسّردور، قیلمه سنگ جانغه خطردور، صرفین غنیمت بیل و سلامت ساری عزیمت قیل.
903
هر کؤنگول که، تیل سنانیدین جراحتدورهم یومشاق سؤز و شیرین تیل انگه مرحم و راحتدور.
904
هر نیچه بیم هجر سؤزی عاشق اؤلتورور،
وصلت بشارتی ینه جسمیغه جان بیرور.
905
حیا و ادب بیرله توزگیل معاش،
ینه ائله ی تعظیم و حرمتینی فاش.
906
هر غنی که، تیریکلیگیده احسانیدن کؤنگوللرنی شاد قیلمه غَی، اؤلگه نیدین سؤنگ انی کیمسه دعا بیله یاد قیلمه غَی.
906
حق سینی سیوگی ایل بیله بؤلسنگ.
907
حق یؤلیده هر کیمگه عبادت بؤلغی،
یخشی عمل اسبابی سعادت بؤلغی.
گر یخشی عمل قیلیشگه عادت بؤلغی،
عمری بو عمل بیرله زیادت بؤلغی.
908
هر کیمگه که، کؤپ طعام یمَک فندور،
بیلگیل که، نجاستقه تنی مسکندور.
909
هر یؤلگه که، کؤنگلونگه هوس بؤلغوسیدور،
تینگریگه توکّل سنگه بس بؤلغوسیدور.
910
هر إیشده خردنی اؤزونگه یار ائله،
جرمونگ ترکیدین خرد اظهار ائله.
911
هم جور اصل ایل ارا کیلدی حرام،
هم اصلی یؤق ایل إیچره وفا کیلدی حرام.
912
هر دوست که، سؤز إیچره دیسنگ آنی درست،
خالصدور اگربار ایسه پیمان درست.
913
حرص اؤتیدین بؤلمه دردپرور آخر،
که، نفسغه حرصدین یتر درد آخر.
913
حرص آفتینی نفس هواسی بیلگیل،
قؤیماق انی نفس مدّعاسی بیلگیل.
نفسینگغه الم حرص بلاسی بیلگیل،
کیچمس موندین انینگ دعواسی بیلگیل.
914
هرگز بؤلمس جاه و درم زارِ عزیز،
جان نقدی بیریب، سیم خریداری عزیز.
915
اؤز وجودینگّه تفکّر ائله گیل،
هر نی إیسترسین اؤزینگدین إیسته گیل.
916
کیم که کیشی اؤلمَگیدین شاد ایرور،
کورکن و غاصل و جلاد ایرور.
917
خوشدورو باغ و کاینات گلی،
برچه دین یخشیراق حیات گلی.
918
سؤزده، نوایی، نی دیسنگ چین دیگیل،
راست نوا نغمه گه تحسین دیگیل.
919
اگر کیمسه دین ظاهر اؤلسه یامان،
کؤره ر هر نی کیم، ظاهر ایتّی همان.
920
اگر توزلوک اؤلسه کیشی نینگ إیشی،
نی وصف ائله ی آلغی إیشینی کیشی.
921
...اژدهانی مور ایتر مور.
922
ادب کیچیک یاشلیغلرنی اولوغلر دعاسیغه سزاوار ایتر.
923
بی فایده إیش نتیجه بیرمس.
924
... بو گلشن ارا گل بوتمس ایرمیش خارسیز.
925
دردیم آغیراق تاغدین،
خاشاکدین جسمیم اینگیل.
926
... درد قدر و چاره صبر.
927
گر یؤقتور تأدب، نی سود آلتون اونیدین،
ایل نینگ ادبی خوشراق ایرور آلتوندین.
928
یامان سؤزکه کیلیب جانینگغه اورغی، که جانینگدین اؤتوب ایمانینگغه اورغی.
929
کیچتی عمریم نقدی غفلت بیرله نادانلیغده حیف،
قالغنی صرف اؤلدی اندوه و پشیمانلیغده حیف.
930
نامه اوچون خامه تراش ائله دیم،
خامه اوچون نامه خراش ائله دیم.

 ----------------------------------------

Adabiyotshunos Ergash Ochilovning

Alisher Navoiy "Hikmatlar" kitobidan olindi.