نوایی حکمتلری

(بیر مینگ اؤگیت)

هر کیمگه که، ایگریلیکّه آوازدور،
توز جاده إیچره کؤز یؤلیدین آزه دور.
851
هر جماعتده که، یؤقتور پیشوا،
بؤلگی ایرمستور قدم اورماق روا.
852
هرزه ایرور چون که مشعبد سؤزی،
اؤز تیلینی، کؤرکه، کیسر، هم اؤزی.
853
هر کیشی کیم بیراوگه قازغی چاه،
توشکی اول چاه اوزه اؤزی ناگاه.
854
هرکیشی که، راستنی بی خواست دیر،
ائتسه یالغان داغی ایل راست دیر.
855
هر کیشی یالغانّی دیسه لیک کیم،
بؤلغی ایدی کاش، بو دورانده هم.
856
هر کیشی نینگ کیم، سؤزی یالغان ایسه،
ائله مه باور نیچه کیم چین ایسه.
857
هر کیمگه که، علم قیل و قالی بؤلمس،
علم اهلیگه سؤز دیرگه مجالی بؤلمس.
858
هر کیمسه که، ائله مس آشوقماقنی خیال،
یفراغنی إیپک قیلور، چیچک برگینی بال.
858
هر کیمسه که، بخل ارتکابیدورور انینگ،
گر بؤلسه غنی، بخل عدابیدور انینگ.
859
هر کیمگه که، دهر إیچیده دانالیق ایرور،
حلیم إیله إیش انگه مجلس آرالیق ایرور.
860
هر کیم که، چوچوک سؤز ایلگه اظهار ائلر،
هر نیچه که، اغیاردورور یار ائلر.
861
هر نیچه مظلوم سؤزی تاپسه طول،
طول ِحیات إیسته سنگ اؤلمه ملول.
862
هر نی که، یتر سنگه لسان آغریغیدین،
بیلگیل که، قتیغدورور سنان آغریغیدین.
863
هم سؤز إیله ایلگه اؤلومدین نجات،
هم سؤز إیله تاپیب اؤلیک تن حیات.
864
همّت سیز کیشی ایر سانیده ایمس،
و روح سیز بدنّی کیشی تیریک دیمس.
865
حکمت اهلی آللیده ساووق صفت یؤق کیمسه ده،
صبح کاذبدیک محلسیز ائله گن کولگو کیبی.
866
حلیم انسان وجودی نینگ فواکحلیغ باغیدور،
آدمیلیغ عالمی نینگ جواهرلیغ تاغیدور.
867
حسن و جمال سیز کیشی، شیرین کلام ایسه،
صید ائلر ایلنی، نکته فصاحت بیله دیسه.
868
هنر اهلی انی دیگیل که، بؤلغی،
اؤزنی قیلسه اؤز آلینده معیوب.
869
حق یؤلینده کیم سینگه بیر حرف اؤقیتمیش رنج إیله،
ائله مک بؤلمس آسان حقنی ادا مینگ گنج إیله.
870
هنرنی اسره بان نیت کومدور اخر،
آلیب توفراقّ مو کیتگومدور آخر؟!
871
هر کیشی خلق إیچره گنهکار راق،
عفو عنایتگه سزاوار راق.
872
حق که، بیراو خلقتینی قیلدی پاک،
سیومَسه ناپک ایل آنی نی بک.
873
هوس تارتیب سنان چون کیلتوروب زور،
بورون ائلر خردنینگ کؤزلرین کور.
874
هر رنجدین سؤنگ بؤلور راحتی،
تادیب سیز میسّر ایمس عشرتی.
875
هر نی کیم بی بقادور، انگه کؤنگول باغله ماق خطادور.
876
هر کیم که، بیراو بیله یاردور یاکه یارلیق دعواسی باردور، کیره ک کیم، اؤزیگه روا توتمه غنّی یاریغه روا توتمَسه، کؤپ نیمه اؤزغه هم روا توتسه، انگه توتمَسه.
877
هر کؤنگولنی کیم، وفا مسکن قیلور حیا هم کیلور و هر مسکنده کیم، اول تاپیلور، بو هم تاپیلور.
878
هر کیشینی دیمه مرحم و همرازدور کیم، بو متاع عالم اهلیده آزدور.
879
هنرلرنی تاپماق-یدورمَکدور- و عیبلرنی یاپماق کیئدورمَکدور.
880
هر گدایی کیم، جهانده بیر موافق یاری بار،
خضر عمری یو سکندر حشمتیدین عاری بار.
881
هر کیمسه که، عقل کؤنگلیدین زائلدور،
قارون ایسه عاقل قاشید سایلدور.
یوز گنج کیشیگه عقلدین حاصلدور،
یؤقتور انگه فقا کیم، عاقلدور.
882
حلیم و حیا اهلی هر یرده ارجمنددور، اولوعلر نظریده ارجمندراق.
883
هرزه گوی کیم، کؤپ تکلّم سورگی، إیتی دیکدور کیم، کیچه تانگ آتقونچه هورگی.
884
حسود بیمار، بل که، مهلک مرضغه گرفتار.
885
حرمت ِ والدین فرض عین.
886
هر یورگورگن یاووشمس،
هر ائریلغن قاووشمس.
887
هجر اؤلومدین تلخ ایمش- موندین سؤنگ ای گردون مینی،
ائله گیل جاندین جدا، قیلگونچه جاناندین جدا.
888
حسن ارا عشوه یو ناز ایل کؤنگلین،
آنچه آلمس که، حیا بیرله ادب.
889
هر عملی کیم، کیشی خیر ائله گی،
کامی بو کیم، روضه ده سیر ائله گی.
890
هر نیچه کیم نامه سیه بؤلسه اول،
غرقۀ دریای گنه بؤلسه اول.
تانگ یؤق، اگر عفو اؤلوب امید انگه،
توتسه إیلیک رحمت جاوید انگه.
891
حریف ایمستور خاراغه شیشه،
چون توشتی اؤت، کویر خرمن همیشه.
892
حیفدور بوکه، اؤتر اویقو بیله صبح شباب.
892
هایو- هوی اله بان اؤزنی نفسی خوش توتکیل کیم،
هی دیگونچه نی سین اؤلگونگ اراده، نی احباب.
893
هر کون اول یوز قیمتی تغییر تاپسه، عیب ایمس،
إیکّی کون بیر نوع بؤلمه یدورگلی بستانغه نرخ.
894
حسنغه چون یؤق وفا، بس، توت وفانی مغتنم،
نیچه کون، ای کیم، سنگه محبوبلوغ دورانیدور.
895
هر نیچه دولت سهابی ساچسه گوهر باشینگه،
انگله کیم، بیر قتله برقی آفتیغه ارزیمس.
896
هر نیچه قیلدیم وفا، جز بی وفالیغ کؤرمه دیم،
نی عجب، کؤنگلومگه بؤلسه نوع انساندین ملال.
897
همّتینگ بار ایسه، دنیا شوخیدین آزاد بؤل،
شاهد مکاره میلی خوب ایمس فرزانه دین.
898
حیله عاجزلیقدین ائلر عاشق، انگله، ای کؤنگول،
کیم، زوبون راق عشق ارا فرهادین پرویز ایرور.
899
هر نیچه کیم حسن دلآویزره ک،
عشق اؤتی ایل کؤنگلی ارا تیزره ک.
900
حاذق طبیب ِخوش گوی تن رنجیغه شفادور،
عامی یو، تندو بدخوی ایل جانیغه بلادور.