نوایی حکمتلری

(بیر مینگ اؤگیت)
751
ای خوش اول کیم، باشینگ آستیده دور دلبر قؤلی، کیم، نوایی کیچه لر باری اؤز إیلگین یاسته نور.
752
ای کؤنگول، رحمت سینگه، هر نیچه کیم کؤوردونگ جفا،
عالم اهلیدین وفا هرگز تمنّا قیلمه دینگ.
753
ای نوایی، دهر یؤق و باری تینمس لیقدورور،
تینغه سین گر قیلمه سنگ پروا یؤق و باریغه هم.
754
ای نوایی، گر دیسنگ کؤپ إینجیمَی دور اهلیدین،
هر نی دیرلر یا قیلورلر، قیلمه غیل پروا، بسی.
755
ای نوایی، عمر اؤتر یلدیک، اؤزونگنی شاد توت،
یلگه یتمَک ممکن ایرمستور چو سرعت کؤرگوزوب.
756
ای نوایی، چو اؤتر یخشی- یامان، غم یمه دیگ،
اول که، دورانده ایرور عشرتی کم، محنتی کؤپ.
758
ایرور مظلوم و ظالم قتل ِعشق آللیده کؤپ آسان،
اگر فرهاد اؤلدی، قتل تاپمی قالمه دی پرویز؟
759
ایلگه ناوک اوردی، مین اؤلدوم، ایرور بو طرفه کیم،
جانیم ایتگن ریش ایل بغریگه کیرگن خار ایمیش.
760
ایل تاپقی نیتیب، مینی کیم، مین اؤزومنی تاپمه مان.
761
ایرور چون عالم إیچره جاه فانی، یخشی آت باقی،
بس، ایل کامین روا ائله اؤزونگنی کامران کؤرگچ.
762
ایشیتمی خلق پندین، طرفه کیم پند، ایلگه هم دیرسن،
قیله آلسنگ، ایشیتگیل پند، سین هم، ایلگه بیرمَک پند.
763
ای کؤنگول کویدور طمع تخمین، تمنّا مزرعین،
بو ایکینّی چون که هرگز قیلمه دی دانا پسند.
764
ایگریو، توز وصفی محقق ایرور،
باطل ایرور ایگریو توز حق ایرور.
شمع که، توزلوک بیله مسرور بؤلور،
گرچه کویر، باشتین-آیاق نور بؤلور.
765
ایشتمَک ایلنی تؤله قیلور و ائمَک خالی،
ایشیتکوچی یو ائتقوچی نینگ بودور حالی.
766
ایلگه نیچه مخفی ایسه بو صفت،
ظاهر ایتر یالغان اؤزین عاقبت.
767
احسان صفتِ سعادت بیل،
فتنه یو، آفت یأجوجی دفعیغه سد بیل.
768
ایل کیشیگه خلعت إیله نی شرف،
ظاهر ایتر یالغان اؤزین عاقبت.
769
ایل غصّه سین سیندورمَکینگ مقصود ایت،
بو شیوه بیله عاقبتینگ محمود ایت.
770
یوز أیل که، کیشی عمر تیلر، بیل،
کیم صبر کیره کتور، یوز أیل.
771
یوگورمه رزق اوچون، حقدین انگله کیم، کامل،
نی کیلتورگی، دیمش، نی غیبدین کیلگنّی قئترمیش.
772
یوز جفا قیلسه منگه، بیر قتله فریا ائله مان،
ایلگه قیلسه بیر جفا، مینگ قتله فریاد ائله رم.
773
یوز تومن ناپاک ایردین یخشیراق،
پاک خاتونلر ایاغی نینگ إیزی.
774
یوز اؤلومگه باردورور اغیار إیله اؤلتوروماغی.
725
یوقر یامانلیغ انگه کیم، کیره ر یامان ایل ارا،
کومور ارا إیلیک اورغن قیلور إیلگینی قرا.
776
یوقاری اؤلتورورنی کیم تیله سه،
کیشیلیکدین انی أیراق بیلگیل.
777
یوزیگه اصلی یامانّینگ کؤپ آچمه گلشنِ خُلق،
سیه گلیمگه البتّه مهر ائله مه فاش.
778
یخشی راق جمشید بؤلماقدین گدالیق دَر ارا،
اؤزگه قیلماق یخشی راق کیم، اؤزگه گه قیلماق ستم.
779
یخشی خاتینلرصفای زهدیدین،
عالم إیچره گر یاروغلوق بؤلسه فاش.
یؤق عجب، چون کیم، عرب الفاظیده،
اصطلاح إیچره مونسدور قویاش.
780
یغاچ اوزره گر بؤلسه یوز مینگ ینغاق،
کؤمر یرگه هرنی اؤغورله دی زاغ.
781
یخشیغه اندین غم و آزار ایرور،
باغده گل همنفسی خار ایرور.
782
یخشی- یاماندین بَری ایرمس جهان،
لیک یامان ظاهر و یخشی نهان.
783
یخی راق تاغ آستیده قالماق که، قیغو آستیده.
784
...یاقه سی چاک سیز گل بوتمه دی بو باغ ارا.
785
یخشیلیغ گر قیلمَسه، باری یامانلیغ قیلمَسه،
کیم یامانلیغ قیلمَسه، قیلگنچه باردور یخشیلیغ.
786
یمان کاتب منزلی قلمداندیک چاه ارا بؤلسون، قلمدیک باشی یرا و یوزی قرا بؤلسون.
787
یخشی لباس- تنغه آرایش، یخشی قؤلداش- تنغه آسایش.
788
یخشی بؤل یا یمان، إیکّیسی بؤلرمین دیگن همان و یمان یخشی همان.
789
یَسنچاق مردانه بؤلمس، کؤپَلَک پروانه بؤلمس.
790
اؤیله بولوتدیک که، قوروق باغ اوزه،
یاغمی اؤتر، سوونی تؤکر تاغ اوزه.
791
اؤلرمن تا یترمن مقصدیمنی یانماق امکان یؤق،
بدن ضعفی بیله یؤل شدتیدین، گرچه تالغه یمن.
792
اؤلیکنی بیراو نطقی ایتسه تیریک،
اگر حقدور اول نکته، باردور إیریک.
793
اؤقلرینگ کؤنگلومگه توشگچ، کویدی هم کؤز هم بدن،
کیم کویر هول و قوروغ، چون نیستانگه توشتی اؤت.
794
اؤت سکره سه، طفل ایمس خبردار،
کیم حرقـتیده نی نوع اثر بار.
795
اؤز یریده یوز تومن، ار بیر درم،
بذل إیشیده تینگ کؤره ر اهلِ کرم.
796
اؤزونگه ابلهه و نادانّی ائله مه همراز،
که، یخشی ایرمس ایشک داغی هم سبقلیکّه.
797
اؤز کمالیدین دیمس اهلِ کمال،
اهل نقصان إیچره دور بو قیل و قال.
798
اؤتگن أیگیت لیک آرزو بیلن قئتمس.
799
اؤغری باش ایکغچ قویی، باردور دلیل ِاعتراف
800
اؤتکندین شکوه قیلسه بؤلمس،
هر نیگه که، اؤتّی، یتسه بؤلمس.