نوایی حکمتلری
***********
(بیر مینگ اؤگیت)
351
کؤنگول نینگ اؤزگه دور هر لحظه حالی.
352
کؤپ اچیقلنمه، اگر اولوستین بؤلسنگ تلخ کام،
اولچه قسمینگدور قزاندین کیمگه ائلر سن غضب؟
353
... کیمسه یؤق کیم، چرخ ظلمیدین زبون ایرمس.
354
کیمگه قیلدیم بیر وفاکیم، کؤرمه دیم یوزمینگ جفا؟!
355
کؤپ، ای کؤنگول، اورمه بلبل جانیغه بیداد خارین کیم،
سین و میندیک گل و بلبلنی کؤپ اؤتکردی بو بوستان.
356
کؤنگولنی گر، دیسنگ آلدورمی، اوّل کؤزنی آلدورمه.
357
کیم که بیر کؤنگلی بوزوق نینگ خارین شاد ائله گی،
آنچه بار کیم، کعبه ویران بؤلسه، آباد ائله گی.
358
کیشی کی، إیسته مسه، یتمه گی ملالت انگه،
کیره کمس اهل جهان بیرله ذوق و حالت انگه.
359
کیمسه دوران اهلیدین هرگز وفایی کؤرمه دی.
360
کیشی دیوانه بؤلسه یخشیراق یوز قتله کیم، ابله.
361
کؤنگول فتور اؤلمه ئین راز ساچیلمس،
صدف گر بوتون بؤلسه گوهر ساچیلمس.
362
کیشی عیبین یوزیگه قیلمه اظهار،
تامّل ائله اؤز عیبینگغه زنهار.
363
کیشی کیم یارینی هر کون کؤره رگه اؤگنور ایرمیش،
چو بیر کون کؤرمس ایرمیش بی نهایت ایمگه نور ایرمیش.
364
کؤریب مین آنچه درد و غم آشنالردین،
چیکیب مین آنچه الردین الم عنا بیرله.
که توشسه جانیم اجل سیلیغه، ایرور خوبراق،
غریقلیق که خلاص بؤلماق آشنا بیرله.
365
کیشی تاپسه همدردینی ناگهان،
نی امکان نهان دردی قیلماق نهان.
367
کیم بو چمن إیچره خرامان ایرور،
برچه سی بیر- بیریگه چو مهمان ایرور.
368
کیشیگه نیچه کیلسه مشکل حال،
حکمت و عقل انگه ایرور حلّال.
369
کیم که جهان اهلیده انسان ایرور،
بل که نشانه انگه ایمان ایرور.
370
کؤز که ایرور انینگ خلقتی،
بیرنی إیکی کؤرماق ایرور صنعتی.
371
کؤنگولنگ إیچره نفس کیبدور راز،
قئتمس کیمسه دین چو چیقتی نفس.
372
کیشی گر کؤکسینی یوز پاره قیلسون،
فلک بیدادیغه نی چاره قیلسون.
373
لاله یو گل کیم ساورور دیوباد،
قؤئیسه بؤلورمو انینگ آتین جواد.
374
لیک موندین کؤپ ساووقدور، اشک تؤکمک زور إیله،
دَی یلیده قطره - قطره موز تاموزغان یل کیبی.
375
لطف و کرم گرچه ایرور دلپذیر،
قهر و سیاست هم ایرور ناگذیر.
376
لئیم فرقیغه اقبال تاجینینی قؤیماق،
یقین که، بؤلغوسیدور موجب عذابی انینگ.
377
لعلدیک باشیم آسیلسون خرقۀ خوناب اؤلوب،
لعل تیکّن سلطنت تاجیغه بؤلسه رغبتیم.
378
مادّه کیم بیرمسه مرحم کشاد،
نیشتر -اؤق ائلر انگه دفع فساد.
379
مهرکه روشنلیق ایتر فاش انی،
کیمگه گنه کؤرمسه خفّاش انی.
380
میل اوزه چیقماق انگه کیم وایه دور،
چیقمک و توشمکلیک انگه پایه دور.
381
مور تیره ر ار نی که ساچغی کیشی،
بؤلدی تیریک گورغه کیرمک إیشی.
382
مفید اشیاغه دایم اشتغال ایت،
ولی بار إیشته میل اعتدال ایت.
383
ملایم تکلّم وحشیلرینی الفت سری باشقرور.
384
مستقیم خط هر یان که میل قیلدی، ایگری بؤلدی، چالغی،
تاریدیک اعتدالیدین تجاوز قیلدی توزوگی بوزولدی.
385
مشکنی هر کیچه ساچر بیدرنگ،
تون ساچیگه بیرماق اوچون بوی و رنگ.
386
مضحک ایرور مست چو ائلر خروش،
سؤزنی تامّل بیله دیر اهل هوش.
387
مینگ أیل اؤلسنگ دهر ارا یا بیر زمان،
کیم، اجل آخر سینگه بیرمس امان.
388
مال اؤلوب، گر یؤق کیشی نینگ همّتی،
معنی اهلی آلدیده یؤق عزّتی.
389
مونی بیل کیم جهان فانیدور اسرو،
حقیقت اهلی زندانیدور اسرو.
اگر تاپسه سکندر ملک ذاتینگ،
گر اؤلسه نوح عمریچه حیاتینگ.
چو کیتماقلیک کیره کتور بات، اگر کیچ،
همول دولت بیله بو عمر ایرور هیچ.
390
منگه نی یارو نی عاشق هوسدور،
اگر مین آدم اؤلسم اوشبو بسدور.
391
مالدین عمرونگغه آسایش اگر یتمس، نی سود،
نوح عمرین حاصل ایتسنگ، گنج قارون قازغانیب.
392
می إیچتی، دیب مینی یازغورمنگ، ای مسلمانلر،
که رحمتیدین ایمس نامید گبر و جهود.
393
مرادی گر ایمس دلبر مرادی،
الهی، بیرمه گیل عاشق مرادین.
394
مروت رنگی یو انصاف إیسی کؤز توتمه غیل ایلدین،
بو رنگ و بویلوق گل یؤق چو عالم گلستانینده.
395
منگه یؤق، اؤزگه گه باری وفا قیلغنّی گر تاپسم،
باشیغه ایورولــَی، آللیغه جانیمنی فدا ائلب.
396
مینی مین إیسته گن اؤز صحبتیغه ارجمند ایتمس،
مینی إیستر کیشی نینگ صحبتین کؤنگلوم پسند ایتمس.
397
ممکن ایرمس قسمت اؤلغن رزق نینگ افزونلیغی،
بس، خلایق منّتین تا بؤلغی امکان چیکمه گیل.
398
مین وفا کیمدین تاپی، بو شیوه نی چون تاپمه دیم،
آفرینیشده پری جنسی بشر اولادی هم.
399
مین که بیر گلدین جهان باغیده بوی تاپمه دیم،
نه ائله ئین، قیلسه معطر دهرنی بوستان إیسی.
400
مروت برچه بیرمکدور، ایمک یؤق،
فتوت برچه قیلمکدور، دیمک یؤق.
***********
(بیر مینگ اؤگیت)
351
کؤنگول نینگ اؤزگه دور هر لحظه حالی.
352
کؤپ اچیقلنمه، اگر اولوستین بؤلسنگ تلخ کام،
اولچه قسمینگدور قزاندین کیمگه ائلر سن غضب؟
353
... کیمسه یؤق کیم، چرخ ظلمیدین زبون ایرمس.
354
کیمگه قیلدیم بیر وفاکیم، کؤرمه دیم یوزمینگ جفا؟!
355
کؤپ، ای کؤنگول، اورمه بلبل جانیغه بیداد خارین کیم،
سین و میندیک گل و بلبلنی کؤپ اؤتکردی بو بوستان.
356
کؤنگولنی گر، دیسنگ آلدورمی، اوّل کؤزنی آلدورمه.
357
کیم که بیر کؤنگلی بوزوق نینگ خارین شاد ائله گی،
آنچه بار کیم، کعبه ویران بؤلسه، آباد ائله گی.
358
کیشی کی، إیسته مسه، یتمه گی ملالت انگه،
کیره کمس اهل جهان بیرله ذوق و حالت انگه.
359
کیمسه دوران اهلیدین هرگز وفایی کؤرمه دی.
360
کیشی دیوانه بؤلسه یخشیراق یوز قتله کیم، ابله.
361
کؤنگول فتور اؤلمه ئین راز ساچیلمس،
صدف گر بوتون بؤلسه گوهر ساچیلمس.
362
کیشی عیبین یوزیگه قیلمه اظهار،
تامّل ائله اؤز عیبینگغه زنهار.
363
کیشی کیم یارینی هر کون کؤره رگه اؤگنور ایرمیش،
چو بیر کون کؤرمس ایرمیش بی نهایت ایمگه نور ایرمیش.
364
کؤریب مین آنچه درد و غم آشنالردین،
چیکیب مین آنچه الردین الم عنا بیرله.
که توشسه جانیم اجل سیلیغه، ایرور خوبراق،
غریقلیق که خلاص بؤلماق آشنا بیرله.
365
کیشی تاپسه همدردینی ناگهان،
نی امکان نهان دردی قیلماق نهان.
367
کیم بو چمن إیچره خرامان ایرور،
برچه سی بیر- بیریگه چو مهمان ایرور.
368
کیشیگه نیچه کیلسه مشکل حال،
حکمت و عقل انگه ایرور حلّال.
369
کیم که جهان اهلیده انسان ایرور،
بل که نشانه انگه ایمان ایرور.
370
کؤز که ایرور انینگ خلقتی،
بیرنی إیکی کؤرماق ایرور صنعتی.
371
کؤنگولنگ إیچره نفس کیبدور راز،
قئتمس کیمسه دین چو چیقتی نفس.
372
کیشی گر کؤکسینی یوز پاره قیلسون،
فلک بیدادیغه نی چاره قیلسون.
373
لاله یو گل کیم ساورور دیوباد،
قؤئیسه بؤلورمو انینگ آتین جواد.
374
لیک موندین کؤپ ساووقدور، اشک تؤکمک زور إیله،
دَی یلیده قطره - قطره موز تاموزغان یل کیبی.
375
لطف و کرم گرچه ایرور دلپذیر،
قهر و سیاست هم ایرور ناگذیر.
376
لئیم فرقیغه اقبال تاجینینی قؤیماق،
یقین که، بؤلغوسیدور موجب عذابی انینگ.
377
لعلدیک باشیم آسیلسون خرقۀ خوناب اؤلوب،
لعل تیکّن سلطنت تاجیغه بؤلسه رغبتیم.
378
مادّه کیم بیرمسه مرحم کشاد،
نیشتر -اؤق ائلر انگه دفع فساد.
379
مهرکه روشنلیق ایتر فاش انی،
کیمگه گنه کؤرمسه خفّاش انی.
380
میل اوزه چیقماق انگه کیم وایه دور،
چیقمک و توشمکلیک انگه پایه دور.
381
مور تیره ر ار نی که ساچغی کیشی،
بؤلدی تیریک گورغه کیرمک إیشی.
382
مفید اشیاغه دایم اشتغال ایت،
ولی بار إیشته میل اعتدال ایت.
383
ملایم تکلّم وحشیلرینی الفت سری باشقرور.
384
مستقیم خط هر یان که میل قیلدی، ایگری بؤلدی، چالغی،
تاریدیک اعتدالیدین تجاوز قیلدی توزوگی بوزولدی.
385
مشکنی هر کیچه ساچر بیدرنگ،
تون ساچیگه بیرماق اوچون بوی و رنگ.
386
مضحک ایرور مست چو ائلر خروش،
سؤزنی تامّل بیله دیر اهل هوش.
387
مینگ أیل اؤلسنگ دهر ارا یا بیر زمان،
کیم، اجل آخر سینگه بیرمس امان.
388
مال اؤلوب، گر یؤق کیشی نینگ همّتی،
معنی اهلی آلدیده یؤق عزّتی.
389
مونی بیل کیم جهان فانیدور اسرو،
حقیقت اهلی زندانیدور اسرو.
اگر تاپسه سکندر ملک ذاتینگ،
گر اؤلسه نوح عمریچه حیاتینگ.
چو کیتماقلیک کیره کتور بات، اگر کیچ،
همول دولت بیله بو عمر ایرور هیچ.
390
منگه نی یارو نی عاشق هوسدور،
اگر مین آدم اؤلسم اوشبو بسدور.
391
مالدین عمرونگغه آسایش اگر یتمس، نی سود،
نوح عمرین حاصل ایتسنگ، گنج قارون قازغانیب.
392
می إیچتی، دیب مینی یازغورمنگ، ای مسلمانلر،
که رحمتیدین ایمس نامید گبر و جهود.
393
مرادی گر ایمس دلبر مرادی،
الهی، بیرمه گیل عاشق مرادین.
394
مروت رنگی یو انصاف إیسی کؤز توتمه غیل ایلدین،
بو رنگ و بویلوق گل یؤق چو عالم گلستانینده.
395
منگه یؤق، اؤزگه گه باری وفا قیلغنّی گر تاپسم،
باشیغه ایورولــَی، آللیغه جانیمنی فدا ائلب.
396
مینی مین إیسته گن اؤز صحبتیغه ارجمند ایتمس،
مینی إیستر کیشی نینگ صحبتین کؤنگلوم پسند ایتمس.
397
ممکن ایرمس قسمت اؤلغن رزق نینگ افزونلیغی،
بس، خلایق منّتین تا بؤلغی امکان چیکمه گیل.
398
مین وفا کیمدین تاپی، بو شیوه نی چون تاپمه دیم،
آفرینیشده پری جنسی بشر اولادی هم.
399
مین که بیر گلدین جهان باغیده بوی تاپمه دیم،
نه ائله ئین، قیلسه معطر دهرنی بوستان إیسی.
400
مروت برچه بیرمکدور، ایمک یؤق،
فتوت برچه قیلمکدور، دیمک یؤق.
ارسال در تاريخ 2016/2/16 توسط ایشانج