حرمتلی تیلداشلر! بو أیل دینی خرافات اوستیده آزراق سؤز یوریتماقچیمن. دین زده لرنی توزه تیش نینگ حاضرچه علاجی یؤق بؤلسه کیره ک. عربلشگن اؤزبیکلرنی تؤغری یؤلگه باشقریش جوده هم آغیر إیش، دیب اؤیله یمن. « سوت بیلن کیرگن قیلیق جان بیلن چیقه دی»، دیگن حکمتلی گپ بار اؤزبیکلریمیزده...مقدّس، دیب مییه میزگه تیقیلگن یالغان داستانلرگه إیشانیش اوچون عقل و شعور کیره ک ایمس...
-----------------------------------------------------------------

اؤزبیک تیلی شونچه لر قیئینمی؟
-----------------------------------------------------------
منه، اوغانستانده اؤزبیک تیلیده یازیشگه باشله گه نیمیزگه هه دیمی، 50 أیل تؤله دی. بیرینچی اؤن أیلیمیز( بوندن آلدین هم کؤپراق شعر بیتیلگن) یخشی - یامان شعر و نثر یازیش بیلن کیچگن بؤلسه، قالگن وقتده کؤپراق نثرده یازیب کیلماقده میز. شونچه وقت إیچیده اؤزبیکچه تؤغری گپیره آلمی، تؤغری یازه آلمی کیله یاتگه نیمیز کیشینی حیرتگه ساله دی. تیلمیزنی پسند قیلمه یمیزمی؟ یاکه، آنه تیلیمیزنی خواجه کؤرسینگه یخشی کؤره میزمی؟ مینینگچه هر إیگّله سی هم تؤغری. بیراق، اوچنچی بیر فکر هم یؤق ایمس. او هم بؤلسه، کؤپراق « اؤزیم بیلگه نیم تؤغری!» یاکه، « اؤزیمدن باشقه نیکی تؤغری ایمس!» دیگن، فکر حکمرانلیک قیله دی سوادلی اؤزبیکلریمیزده.
کیلینگ بیر حیاتی مثال کیلتیره یلیک. اوغانستانده سوادلی اؤزبیکلردن اینگ کمی 90% ی فارس-دری تیلیده یازه آله دیلر، فکر بیلدیره آله دیلر. دیماقچیمن که، اؤزبیکلریمیز دری تیلیده کیره ک بؤلسه، قایلله تیب تؤغری یازه آله دیلر. نیمه؟ بولر فارس- دری تیلیده گرامر اؤقیگنمی ایدیلرمی؟ تیلشناسلیک علمی بؤئیچه بیرار مَلکه گه ایگه میلر؟ یؤق، اولر بیگانه تیلده بیلیمگه ایگه ایمسلر، تحصیل کؤرمه گنلر. بولر فقط شو تیلده اؤقیب، ایشیتیب سواد چیقرگنلر- تمام. شوندن کیئین یازه کیتنگلر و یازیب کیلماقده لر هم. بولر آره سیده ایسه، دری زبانلردن کؤره یحیشی راق یازه یاتگنلر هم تاپیله دی. بو اؤرته ده هر مقامگه یورغه لب، افسوسکه خطا یازه یاتگنلر هم بار.
سوادلی اؤزبیکلریمیز اؤز تیلینی حرمت قیلمه یدیلر. ایلکه لریگه مللی مسولیت یوکلنگنینی حس قیله آلمه یدیلر. یوره کلریده تیل دردی یؤق. اؤزبیک تیلیده تؤغری یازیش و تؤغری گپیریش اوچون البتّه اؤزبیک تیلی و ادبیباتینی اؤقیش( اگر اؤقیلسه عین مدّعا بؤلور ایدی!) شرط ایمس عزیزلر!
آلدینلری تؤغری یازیلگن اؤزبیکچه متنلر آنه تیلیمیزده تاپیلمسدی. اؤرگه ته یاتگن بیرار آدمنی تاپیش هم محال ایدی. جاضرچه؟ اؤزبیک تیلیده جوده کوپ یازیلماقده و یترلیچه ادبیباتلر موجود. تلویزون، رادیو، انتیرنیت ترماقلریده دؤندیریب یازیلگن اؤزبیکچه متنلر تؤلیب تاشیب یاتیبدی. اؤزبیکستان دیگن بیر دولتده بو تیل گورکیره ب رواجلنماقده. قاله بیرسه مینگ أیللیک اولکن ادبی میراثگه ایگه میز. مین شونده ی آدملرنی بیله منکه، اوغانستانده اؤزبیک تیلی بؤئیچه هیچ قنده ی تحصیل آلمه گنلر. بیراق، توزکّینه قیلیب یازه آله دیلر. هیچ قنده ی سیری یؤق اؤزبیکچه یازیش نینگ. بو انسانلر قلبیده اؤز مللتی بایلیگیگه، اؤز آنه تیلیگه علحیده مهری، اخلاصلری بؤلگن -خلاص. مین اوشبو کیچیک مقاله ده بو عزلرنینگ اسمینی کیلتیرمه دیم. باشقه بیر مقاله ده البتّه سَنب کؤرسته من.
سهل کم قیرق أیل دوامیده کؤزی اؤزبیکچه متنگه آشنا بؤلسه -یو، یازه آلمه سه لر! اؤزبیکچه تؤغری یازیش اوچون نیمه لر قیلیش کیره ک ؟ بو حقیده نوبتده گی مقاله ده تؤخته لیب اؤته من.