تیل و ادبیّات

اگر ویبلاگیمیزنی منتظم کؤزدن کیچیریب کیله یاتگن بؤلسه نگیز، کمینه بیر نیچه مقاله و مطلبلریمده عرب یازوویدن واز کیچیش مساله سینی إیلگریگه سوریب کیلماقده من. بونده ی قرارگه کیلگه نیم نینگ علمی و عملی سببلرینی هم توشونتیرگنمن. بونگه قؤشیمچه قیلیب شونی ائتماقچی من که، عرب یازوویدن واز کیچیش مساله سیده هیچ قنده ی یاتسیره ش و تعصّبگه یؤل قؤیلمه گن و قؤیلمه یدی هم. عرب خلقی و مدنیتیگه حرمت و احتراممیزنی اظهار قیلگن حالده، تیلیمیزنینگ معمّا و قیئینچیلیکلریدن کیلیب چیقیب، شونده ی جسارت قیلگن بؤلدیک. تیلیمیز، تعبیر جایز بؤلسه، دکتور آلدیده اوزه تیلگن آغیر بیمارگه اؤخشه یدی. طبیب ایسه، کسللیک عمرینی چؤزیشنی ایمس، بلکه بیمارنینگ ساغه یب، توزه لیب کیتیشینی اؤیله یدی و إیسته یدی. شو ساحه ده اؤقیگنیمیز حسسی قنده ی دیر مسولیتنی ایلکه میزگه یوکله ماقده. باشقه هیچ قنده ی مدّعا و مقصدیمیز یؤق. لؤنده قیلیب ائتگنده، تیلیمیزنی هر قنده ی توتوق، توزاقلردن آزاد قیلیشدیر.

باشقه تاماندن منه بیرچه تورکی جمهویتلر بو یؤلگه(عرب یازوویدن واز کیچیش) اؤتیب آلدیلر. کؤریب تورگنینگزدیک، اولر ترقیّات یؤلگه کیریب، سیکن-استه لیک بیلن رواجله نیب بارماقده لر. نیمه اوچون بیز اؤزبیکلر رواجله نیش کاروانیدن توشیب قاله یلیک؟ تیلیمیزگه ظلم و جفالر بؤله یاتگه نیگه تماشا بین بؤلیب توریشیمیز یخشی إیش ایمس.

شونی هم علیحده تاکیدله ماقچیمیزکه، کمینه "بونده ی إیشنی بیر اؤزیم عملگه آشیره من"-دئیشدن ادّعالریدن أیراقمن. بو نرسه بیلمدان، متخصصلر، استاذلر، مللت ضیالیلری، شاعر و یازووچیلر اشتراکیده عملگه آشیریله دی. بیز ایسه، شو یؤلده اؤیله گن، بیلگن و توشونگنلریمزنی، تؤپله گن بیلم و توشونچه لریمزنی

تیلداشلریمیزگه یتکزیش نیتیده میز.

لاتین یازوویگه اؤتیش اوزوندن - اوزاق بیر جریاندیر. بونی اؤته شدن آلدین بیرآز تیارگرچیلیک، ملکه و کؤنیکمه حاصل قیلیش کیره ک بؤله دی چمه سی. بیز إیشنی بیر تقیم إیخچم عباره، مقال و آته لر سؤزینی یازیش بیلن باشله ماقچیمیز. کؤزلر لاتین یازوویگه اؤرگنگندن کیئین قاعده لر حقیده گی سباغیمیزنی باشله یمیز. بو درسنامه و یازوو کورسیگه سیز عزیزلر فعال حصّه قؤشه سیز، دیگن امیدّه من. یازوو و شو بیلن باغلیق مساله لر ده هر قنده ی سوالینگیز بؤلسه البتته جواب قیله میز.

بو گوندن باشلب هر بیر چیقیشیمیزده بیتته اؤگیت، مقال، آته لر سؤزیدن بیریب بارماقچی میز.

آنه یورتینگ آمان بؤلسه، رنگ و روینگ سامان بؤلمس! مقال

Ona yurting omon bo`lsa, rang-u,ruing

.somon bo`lmas

ارسال در تاريخ 2013/3/24 توسط ایشانج

.: Weblog Themes By Blog Skin :.

اسلایدر