عندلیب- تنقلی إیککی تیللی شاعر، استعدالی ترجمان، داستانویس، ممتاز تورکمن ادبیّاتی ترقیّاتیگه اولکن حصّه قؤشگن ادیب. اصل اسمی نور محمّدغریب، شاعرنینگ حیاتی حقیده گی دستلبکی معلوماتلر اونینگ«یوسف و زلیخا» داستانیده اوچره یدی. مونس و آگهی نینگ«فردوس الاقبال»، همده یوسف بیانی نینگ«شجره ی خوارزمشاهی»اثرلریده عندلیب حقیده ائریم فکرلرنی اؤقیش ممکن. شاعر عندلیب تخمینن، 1710- میلادی أیلی حاضزگی تورکمنستانگه قره شلی قره مازی تومنیده دنیاگه کیلگن. خیوه و بخارا مدرسه لریده اؤقیگن. او عرب تیلینی بیلگن، فارس، توکمن، اؤزبیک تیللریده شعر بیتگن. اؤزی نینگ ائریم شعرلرینی توکمنچه یازیب، فارسیگه اؤگیرگن. بعضی اثرلرنی عربچه دن تورکمن تیلیگه ائلنتیره دی.
عندلیب کلاسیک ادبیّات نینگ غزل، رباعی، مربّع ، مخمّس، مسدس، مسبّــع و موشح و باشقه ژنرلریده ثمره لی ایجاد قیلگن. نوایی، فضولی، جامی غزللریگه مخمس باغله گن. شعرلریده انسان و زمان معمّالری قلمگه آلینه دی.
خلق آغزه کی ایجادیدن کینگ فایده له نیب، اؤز شاعرانه حس- تویغولرینی روان و ساده شکلده افاده لش ایریشگن. ائنیقسه «لیلی و مجنون»داستانیده خلق آغزه کی ایجادی دن کینگ استفاده قیله دی. بو داستان تورکمن خلقی نینگ 18-عصر اجتماعی حیاتی باره سیده یقال تصور توغدیره دی.
عندلیب نینگ شعرلری 1200 مصرعگه یته دی. اوندن بیر نیچه داستان: «اؤزغوزنامه»، «لیلی و مجنون»،«طاهر و زهر»،«یوسف و زلیخا»،«سعد و قّــّاص» ،«بابا روشن»،«ملکه ی مهر نگار»، «اؤزبیکنامه» داستانلری میراث قالگن. عنعنوی یؤنه لیشده یازیلگن ایسه- ده، مذکور داستانلر 18-عصر اؤرته آسیا تورکی لری اجتماغی، سیاسی، ادبی و مدنی احوالیدن دره ک بیریب توره دی.اولرده ممتاز داستانچیلیک نینگ اینگ یخشی خصوصیتلری مجسّملشگن. نورمحمد عندلیب اؤزی نینگ: «نسیمی»داستانیده آذر شاعری نسیمی حیاتی و ایجادی عکس ایتتیره دی. مشربگه تقلیددن یازگن شعرلری اؤزبیک و ترکمن خلقلری نینگ سیوملی قؤشیقلریگه ائلنگن.
عندلیب شعریتی شرق خلقلری تفککریدن سوو إیچه دی. او ادبی عنعنه لر تاثریده تورکمن و اؤزبیک خلقلری اؤی-اندیشه لرینی یوزه گه آلیب چیقه دی. اؤز زمانه سی نینگ ادبی محیطی حقیده کیشیده تیرن تصوّر توغدیره دی.
عندلیب اثرلرنینگ قؤلیلزمه و تاش اسمه نسخه لری اؤزبیکستان فنلر اکادیمه سی ادیمه سیی شرقشناسلیک انستیوتیده سقله نه دی.