اؤلومنینگ بیز اوچون خطرلی جایی یؤق. بونی توشونیشگه عادتلن. اؤلیم بیز اؤیله گنچه لیک قؤرقینچلی ایمس. اوندن اوستون کیلیش نینگ یگانه یؤلی – منگو حیاتگه کیتیشدن آلدین عمر باقیلیکنی قؤلگه کیریتیشدیر. اؤلومدن قؤرقوچی کیشی ناداندیر. او جان آغریغینی اؤیلب ایمس، اؤلیم کیله جک سری تاباره جَدل إیلگریله یاتگنی اوچون هم قؤرقه دی. اصلیده، طبعیتده گی حادثه کبی بیر کؤرینیشدن إیککینچی سیگه اؤتیشده یک بیر گپ. اؤلیم بیز اوچون هیچ نرسه. گپ شونده کی، بیز تیریک بؤلگه نیمیزده او بیزگه یقینله شه آلمه یدی. او کیلگه نیده بیز الـله قچان کیتیب بؤلگن بؤله میز. بیر وقتلر انسانلر اؤلیمنی اینگ شفقتسیز ابلیس دیب بیلیشگن. وقتی کیلیب ایسه اؤلیم اولرگه حیاتده گی ابلیسلردن قوتیلیش نینگ یگانه چاره سی بؤلیب کؤرینگن.

دانشمند آدم حیاتنی قدیرله یدی و اونینگ پایانیگه یتیشدن او قدر هم اضطرابگه توشمه یدی. آدملر مؤل- مؤل آوقتدن کؤره، آز بؤلسه هم مزه لی طعامنی افضل کؤرگنلری کبی، دانشمند هم اوزاق ایمس، معنالی همده خوشوقت عمر کیچیریشنی معقول کؤره دی.

شونی ایسدن چیقرمسلیگیمیز کیره ک کی، کیله جک تمام إیله بیزنینگ اختیاریمیزده ایمس. اونینگ کیلیشگه قطعی إیشانیش یاکی کیلمسلیگیدن تشویشله نیب، امیدسیزلیک گردابلیگه غرق بؤلیشیمیز یره مه یدی.

اونوتمه یلیک کی، کوچلی خواهش کؤپ حاللرده نفرتگه سبب بؤله دی. قناعت ایسه خاطر جمعلیک و بختیارلیک نینگ کیلتیدیر. خواهشلریمیزنینگ بعضیلری طبیعی. بعضیلری ایسه اساسیز. طبعی خواهشلریمیزنینگ هم معلوم قسمیگینه ضرور. قالگنلریگه احتیاج یؤق. بونینگ فهمیگه یتیب، اولرنی اجره ته آله دیگن کیشی اولردن تنه سینی ساغلام توتیش و تفککرینی بائیتیشده فایده له نه دی. بو اساسنی حیات نینگ مضمونی و عمرنینگ خیرلی دوامی دیب بیله دی. بیز دایما کؤنگلیمیز و تنه میزنی احتیاجینی باسه دیگن نرسه لرینی قیدیره میز. عذاب لنگن یمیزده گینه حضور و حلاوتنی إیسته یمیز. شو سببلی هم حضورنی حیاتنینگ اینگ مهم پلله سی دیب بیله میز. او بیزنینگ اینگ عالی إیسته گیمیز بؤلیب، هر قنده ی تنلاونینگ، شو بیلن بیرگه، نفرتنینگ اساسیدیر.افسوسکی، حضور- خلاوت همیشه هم حق بؤله بیر مه یدی. امّا، دنیاده گی اینگ اولوغ حضور- حلاوت قناعتلی بؤلیشدیر.

نان و سوو آچ قارین و قه قره ب کیتگن لبلر اوچونگینه حلاوتلیدیر. احتیاجلرینی معیاریده اوشلب تورگن کیشی آرتیقچه معمّالرگه دوچ کیلمه یدی.

حضور- حلاوت - بو تنه دن آغریقنی دفع قیلیش و کؤنگیل بیزاوته لیگیدن خلاص بؤلیشدیر. او شاهانه طعاملر تارتیلگن تؤکین دستورخوان ایمسلیگینی یادیمیزدن چیقرمه یلیک.

حضور- حلاوت کؤنگیلنی بی سرانجاملیک قیله یاتگن اوی- خیاللردن خلاص ایتووچی، بیزنی اولردن حمایه قیلووچی همده آلدیمیزده گی تؤسیقلرگه اساسلی اعلاج تاپوچی ادراکدیر. شو سببلی هم فضیلتلر آره سیده اینگ یخشی سی ملاحظه کارلیکدیر. ادراک افتخار همده عدالت فراوان حیاتنینگ اجرلمس بؤله گیدیر.
منه شو فکرلرگه سوینگن آدم اؤلیم قؤرقویدن بتمام خلاصدیر. بونده ی آدم یخشی نرسه لرگه و ایزگولیککه قنچه لیک تیز ایریشیش ممکن لیگینی بیله دی و بونگه آسان ایریشه دی. شونینگدیک، منه شو فکرلرگه سوینگن آدم اؤلیم قؤرقویدن به تمام خلاصدیر. بونده ی آدم یخشی نرسه لرگه و ایزگولیککه قنچه لیک تیز ایریشیش ممکنلیگینی بیله دی و بونگه آسان ایریشه دی. شونینگدیک، ابلیس کوچی نینگ معیارلری هم اونگه معلوم و او بوندن اونچه لیک هم خواطرگه توشمه یدی. بعضیلر اوچون قاچیب قوتیلیب بؤلمه یدیگن، حکمدار حسابلنگن تقدیرنی او مینسیمه یدی. سببی، حیاتده گی واقعیلیکلرنینگ اکثریتی احتیاج، قالگنلری تصادف و ینه بیر قسمی اؤزیمیز باعث روی بیریشدن او یخشی خبردار. او احتیاجنی، مسولیتنی یمیره دیگن کوچ همده اونی اؤتکینچی دیب بیلگن سبب، اونگه بؤی سؤنمه یدی. او نادانلرچه ذوق و شوققه بورکنگندن کؤره، دانا بؤلیب، فقیر حالده حیات کیچیرشنی معقول کؤره دی.

سین مین ائتگنلریمنی یادینگده توت. اؤزینگ و سینگه اؤخشه گنلر بیلن بیرگه لیکده، بولرگه عمل قیل. شونده هیچ قچان نه اؤزینگده، نه اونینگده، نه اویقونگده هیچ نرسه سینی بیزواته قیلمه یدی.

* * *

ایپیکور میلاددن اوّلگی 341-270 أیللرده افینه نینگ سه ماس آرالیده یشب ایجاد ایتگن قدیمگی یونان فیلسوفی همده ایپیکوریزیم فلسفه مکتبی نینگ اساسچیسیدیر.

ایپیکوریزیم تعلیماتیگه کؤره،انسانگه بختگه ایریشیش، آسوده حیاتنی قؤلگه کیریتیش، تینچ همده ایرکین بؤلیش، آغریقلردن قوتیلیش و قدردان دوستلر دوره سیده اؤز حیاتیدن قانیقیب یشه شی اوچون یؤلنمه دیر.

ایپیکورنینگ قید ایتیشیچه، حضور- حلاوت و درد ایزگولیک همده یاووزلیکنی انیقله شده گی اؤلچاوولر حسابله نه دی. اؤلیم تنه همده قلب حرکتینینگ نهایه سیدیر. انسان نینگ ایریشگن یوتوقلری یاکی اونینگ باشیگه یاغیله دیگن بلالرنینگ خداگه دخلی یؤق. بولر انسان حرکتی نینگ عاقبتیدیر. بیراق- نهایه سیز و ابدیدیر. عالمده صادر بؤلگوچی واقعه لر بؤش مکانده گی اتملرنینگ اؤز ارا تاثیری همده حرکتیگه باغلیق. .
ایپیکورنینگ قره شلری اؤشه زمان عالملرینینگ او قدر دقّتینی تارتمه گن.ائنیقسه، دیموکرات اونینگ فکرلریگه شبهه بیلن قره گن. باعثی، دیترمینیزیم (نرسه و حادثه لرنینگ سببی باغله نیشلری حقیده گی متریالستیک تعلیمات)باره سیده گی بیر قطار کیسکین ملاحظه لری دیموکریت نیکیدن فرق قیله دی.

ایپیکور اساس سالگن مکتب کیچکینه بؤلسه هم، بو مکتب رواجی اوچون بوتون عمرینی بغیشله گن.

ایپیکور فلسفه سی جمعیکی یخشیلیک همده یامانلیک حضور- حلاوت و عذاب طفیلی توغیله دیگن تویغولر باعث یوزه گه کیله دی، دیگن نظریه گه اساسله له نه دی. اوشبو نظریه گه کؤره، نیمه ی کی یخشی بؤلسه، او حلاوتدیر، نیمه ی کی یامان بؤلسه، او عذابدیر. حضور-حلاوت همده عدابنی ایپیکور یخشیلیک همده یامانلیک اؤرته سیده گی اخلاقی تفاوت اساسی، دیب حسابله یدی. بعضی بیر اؤرینده حضور- حلاوتدن واز کیچیب، عذابله نیشینی تنلش، ینه ده لذتلیراق حضور- حلاوتگه ایریشیشگه خذمت قیلیشنی تاکیلدله یدی. حضور- حلاوت إیستش همده إیزلش آرقه لی اؤلیم قؤرقویدن همده معبوده لر جزاسیدن خلاص بؤلیب، خاطر جمعلیککه ایریشیش ایپیکوریزیم تعلیماتی نظریه سی نینگ اساسی قاعده لریدن بیریدیر.

ایپیکورنینگ اوچته گینه خطی تؤلیق حالده، دیاگین نینگ «مشهور فیلسوفلر» اثری هم- ده، واتیکن کتبخانه سیده سقله نه یاتگن قؤلیازمه لر آرقه لی، شونینگدیک، اونینگ پاپیروسگه یازیلگن« طبعیت خصوصیده» ناملی اثریدن بیر نیچیته پرچه لر بیزگچه یتیب کیلگن.

منبع: http://www.kutubxona.com/Epikur._Minokevsga_maktub