ارنست هیمنگوی
دهشتلی کوتیش
(حکایه)
اؤرینده یاترکنمیز، او دیره زه نی یاپیش اوچون خانه گه کیردی، کؤزیمگه کسلدیک کؤریندی. یوزلری بؤزده ی آپپاق، آغریقنینگ زؤرلیگیدن به زور حرکت قیلر، قلتیره ردی.
- نیمه بؤلدی تایچاق؟
- باشیم آغریپتی.
- بار یب یات.
- یؤق. توزوکمن.
- جاینگگه باریب یات. حاضر کویئینیب، آلدینگگه توشه من. مین پستگه توشگنیمده او کویئینیب اؤچاق یانیده اؤتیره ردی. تؤققیز یاشر مرغکنینگ رنگیده رنگ یؤق ایدی. پیشانه سیگه قؤلیمنی قؤئیب، حرارتی بارلیگینی بیلدیم.
- کیریب یات،- دیدیم اونگه،- کسلــسن.
- توزوکمن،- دیدی او.
کؤپ اؤتمی دوکتور کیلدی، باله نینگ إیسیتمه سینی اؤلچه دی.
- قنچه- دیب سؤره دیم اوندن.
- حدّن آرتیق بلند... بیر یوز و إیککی.
دوکتور کؤرستمه بیریب، اوچ خیل داری قالدیردی، باله نی توماو دیب ائتدی، اؤتیب کیتدی ، حرارتی او قدر خواطرلی ایمس، دیدی. خانه امگه قئتیب، باله نینگ حراتینی یازیب قؤیدیم- ده، داری بیریلگن وقتنی بیلگیله دیم.
- بیران نرسه اؤقیب بیره می؟
- میلی. اگر خواخله سنگیز،- دیدی باله.
اونینگ یوزی آپپاق، کؤزلری کیرته یب کیتگندی. تؤشه ککه میخله نیب خیال سوره دی، خلاص. مین خاورد پیلنینگ «دینگیز قراقچیلری حقیده داستان»یدن اینگ قیزیق جایینی اؤقیب بیردیم، بیراق اونینگ بونگه مطلقا اعتبارسیزلیگی سیزیلیب توره ردی.
- قه لی سن؟- دیب سؤره دیم اوندن.
- همیشه گیدیک،- دیه جواب بیردی او.
مین اونینگ آیاق تامانیگه چؤکیب، کیئینگی داری بیریش وقتیگه قدر کتاب اؤقیدیم. اوخلب قالر، اؤیله ویدیم، قی دم،- کراوت(تخت) آیاغیگه تیکیلیب، جیمگینه یاتیبتدی.
- نیگه اوخله مه یپسن؟- داری إیچه دیگن پئیت اؤزیم اویغاته من.
- اوخله مه گنیم یخشی... سیز کیته ویرینگ، دَه دَه... اگر ملال کیله یاتگن بؤلسه...
- یؤغ- یی، نیمه دیه پسن، اؤغلیم.
- هه، انگله شیمچه ... اگر ملال کیلسه... یانیمده تورمی سیز...
احتمال، او اله سیره شه یاتگندیر، دیب اؤیله دیم و ساعت اؤن بیرده بیله دیگن دارینی إیچیریب، تشقریگه چیقدیم.
باله خانه سیگه هیچ کیمنی کیریتمه یپتی، دیب ائتیشدی.
- کیرمنگ، کسلی یوقیشی ممکن،- دیئشدی. مین إیچکریگه کیریب، استه کرواتگه یقینله شدیم.
اونینگ قاواغی إیسیتمه دن پیر- پیر اوچر، هنوز کؤزی کراوت آیاغیده ایدی. حرارتینی اؤلچه دیم.
- قنچه؟- دیب سؤره دی او.
- انچه توشیبتدی.
- دیمک، نجات یؤق...- دیه خؤرسیندی او.
- کیم شونده ی دیدی؟ حرارتینگ جاییده... قؤرقینچلی جایی یؤق.
- قؤرقه یاتگنیم یؤق،- لیکین... اؤیله گنیم سری...
- اؤیله مه.
بؤله یپتی- ده،- دیدی او و مینگه قده لدی. او نیمه دندیر قتتیق سیقیلردی.
- منه وینی سوو بیلن إیچ.
- فایده سی بارمیکن؟
- البتته- ده، فایده سی بار.
- اؤتکریب، ینه «قراقچیلر»نی اؤقی باشله دیم، لیکن اونینگ قولاق سالمه یاتگنینی کؤریب تؤخته دیم.
- مین قچان اؤله من آته؟
- نیمه؟!
- مین قچان اؤله من؟
- سین...اؤلمه یسن... نیمه بؤلدی اؤزی؟!
- مین قچان اؤله من؟
- سین ... اؤله سن... نیمه اؤزی سینگه؟
- مینگه می؟ اونینگ: «حدّن آرتیق بلند»، دیگنینی ایشیتدیم...
- آدملر قیرق درجه إیسیتمه گه چیده یدی- کو. احمقانه خیاللرنی قؤی.
مین اؤلیشیمنی، فرنگستانده لیگیمیز- ده مکتبداش باله لر مینگه قیرق تؤرت درجه حرارت بیلن یشه آلمی سن، دیب ائتیشگندی. مینکی- بیر یوزو إیککی.
او تون بؤیی حتــّـا ایرته لبکی ساعت تؤققیزگچه اؤزینینگ اؤلومینی کوتیب یاتگن ایکن.
- ای، تایچاغیم- ه، - دیدیم مین، - سین اؤلمی سن. اخر اؤلچه گیچلر هر خیل بؤله دی- کو. خوددی میل بیلن کیلو میتردیک. او اؤلچه گیچگه اؤتتیز درجه بنایی حرارت حسابله نه دی، بونده ایسه تؤقسان سککیز درجه.
- راستدن - ه؟- دیدی او حیرتله نیب.
حقیقت، راست. اؤیلب کؤر، ماشینه ده اؤن یتتی میل یورسک، قنچه کیلومیتر بؤله دی؟
- هه...
او بؤلک کراوت آیاغیگه تیکیلیب خؤرسینمی قالدی. یوزیگه هم رنگ کیرگندیک بؤلدی. کیئینگی کونی ایسه ارزیمس نرسه نی کؤنگلیگه آلیب، خرخه شه قیلدی...
اؤراق روشن اف ترجمه سی
ضیا ویب صحیفه سیدن آلیندی.