ذ.ایشانچ
تورکی مشایخلر سلسله سیدن
(۵)
اسماعیل آته
تخمین ( ۱۲-۱۳) میلادی عصرلرده یشه ب اؤتگن تورکی عارف ومتصوفلردن بیری .
اسماعیل آته خواجه احمد یسّوی طریقتی ایزداشلریدن بؤلیب، یسّویه یؤلنی نینگ
تبلیغچیلریدن سنه له دی . اسماعیل آته حقیده گی تؤلیق معلومات بیزگچه ییتیب کیلمه گن .
بیراق، بو ذات تؤغریسده گی ایلک معلوماتنی بیز علیشیر نوایی نینگ " نسایم المحبت "
اثریده اؤقیمیز .
نوایی کیلتیرگن معلومات قسقه بؤلیشیگه قره مسدن اسماعیل آته حقیده بیر مونچه
تصور بیره دی . بو حقده علیشیرنوایی شونده ی یازه دی ." ظاهراً خواجه احمد یسّوی
ق. ر نینگ ابراهیم آته آتلیغ اینیسی نینگ اؤغلیدور و انگه مرید واصحاب
بؤلیبدور . و کرامات ومقامات و خوارقی عادات بی نهایت و یاشی یوزگه یقین .
و اولادی اؤن ییتتی یا اؤن سککیز بار ایردی و عالمدین اؤترده اولادی
آره سیدین اسحاق آته نی اؤز قایم مقامی قیلیب عالمدین اؤتوبدور . "
علیشیر نوایی ، " نسایم امحبت" ۴۲۰- بیت .
نوایی نینگ تاءکید قیلیشیچه، اسماعیل آته ۱۷- ۱۸ فرزند ی بؤلگن؛ و یوز گه
یقین عمر کؤریب عالمدن اؤتگن .علیشیر نوایی اؤزیدن تخمین ۳۵۰ ییل آلدین
یشب اؤتگن عارف ومتصوف حقیده انه شو معلوماتنی قالدیرگن .
شونگه اساسله نیب ایتیش ممکن کی، مناقبلرده اسماعیل آته حقیده ایریم معلوماتلر
یازیب قالدیریلگن بؤلیشی ممکن .
اسماعیل آته اؤلیشیدن آلدین ؛ اسحاق آته نی اؤز مریدی قیلیب تعینله گن ایکن، دیمک،
شیخ اوز دوریده ارشاد وپیرلیک درجه سیگه ایریشگن بؤلیشی کیره ک همده حکمت
یاکی باشقه بیرار- بیر تصوفی اثر یازگنلیگی احتمالدن خالی ایمس .
مقاله نی تؤلدیریشینگیز ممکن .