کیلین- کویاونینگ تورموش قورگنیگه ایندی بیر أیل بؤلی،دیب قالگندی.کوموش خان اؤزینی آوویتیش اوچون مغازه دن بیرشیشه إیدیشده کیچکینه بلیقچه ساتیب آلدی و اونی اویلب اوئیگه آلیب کیلدی.تینیق سوده اؤیناقلب سوزه یاتگن بلیقچه،کؤزنی قونه ته یاتگن درجه ده چرایلی.بلیقچه میتتیگینه کؤرینیشلی. سیرتی قیزغیش توسده؛اؤمگنی بؤیلب،زیغیرده ی- زیغیرده ی تؤریق خالچه لر آره له گن.شوخ بلیقچه شیشه آستیده گی بیر تیکیس سکوتدن بیزاوته لنگندیک،بیر قلقیب سو یوزیگه چیقه دی-ده،قئتیب ینه شیشه توبیگه قره ب شونغیب کیته دی.معنالیک،کؤرگوده ی صحنه. یالغیز قالگن پئیتلریده کوموش خان انه شو بلیقچه گه تیکیلیب، قؤشیقلر تؤقیر،پس آوازده اشوله لرائتر،او بیلن دردو حال قیلر و آخری چرچب، بلیقچه نی آووقتلنتیره دی-ده، میزغیب کؤزی اویقوگه إیلینه دی.بلیقچه،ینگی تورموش قورگن یالغیز،مسافر بیر عیال اوچون یخشیگینه ایرمک بؤلیب قالدی.
هرکونی إیشدن قئتیب کیلگن کویاو تؤره،کوموشنینگ بو قیلمیشیدن اینسه سی توشیب،قانی قئنب، خاتینیگه نسبتن نفرتی تاشه باشله دی.بیرکونی کوموش خان بلیقچه نی تؤستدن ایرکه،دیب چقیردی.بلیقچه گه ایرکه دیب مراجعت قیله دیگن بؤلدی.ایرکه له گودیک بلیقچه ایدی.او هم خوددی ته نیب آلگنده ی کوموش خانگه مهر قؤئگن.إیککله سی نینگ آره سیده گی ملاقات،سؤزله شیشلر اوی گزه کینی بیر قدر اریتیب،عایله گه تاتولیک آلیب کیله یاتگنده ی ایدی.
بو مناسبتلردن عبداللـه نینگ غشی کیله دی.بلیقچه نی کؤرگنی کؤزی یؤق.اؤزیچه بلیقچه نی گمدان قیلیشنی مؤللجله گن.هلی وقت وساعتی یتگندی چمه سی.
- اویلمی سنمی؟ نیمه، او سینگه آدمیدی ایرکه لی سن مونچه،دیه دؤنغیلله دی عبدالله خاتینیگه؟
- هه ! بوهم تیریک جان ذات! اونده هم ح-تویغو بار؛اوئیمیزده بؤله یاتگن نرسه لرنی بیلیب توره دی جانور.اوهم مهرگه تشنه؛انسان نینگ قئناق سیوگی -محبّتیدن ته تیگوسی کیله دی.شونقه گپلر،دیدی کوموش خان ایریگه قره ب.
- بلیققه ایرکه دیب آت،قؤئیب سن،باله نگه خدا بیلسین قنقه آتلرنی تؤقیب تشله گندیرسن اؤزینگچه؟! دیدی،قاشلرینی قویوق قیلیب آسیلتیرگن عبدالله.
- هه- ده! تؤققیز آی قارنیمده کؤتریب یورگن باله امگه مناسب آت تاپیب قؤئیسم ارزیمه یدیمی؟
- اونی سین ایمس مین،یعنی آته حل قیله دی.کتابلرده شونقه دئیلگن.بیز الحمدالله مسلمان بیز.
- آنه نینگ هیچ هم رولی بؤلمیدیمی بو اؤرینده ؟-عدالت سیزلیک-کو.
- رولی بؤله دی.آنه نینگ إیشی باله نی یوویش،تره ش،آوقتلنتیریش و اوخله تیش تمام!
- اونده ی زمانده یشه مه یپمیز شیکیللی؟- دیدی کوموش خان ایریگه ناله گن آوازده.
- نیمه آسماده،آی ده یشرمیدینگ؟
- قی یرده یشه سک هم آدم بؤلیب یشه یلیک،دیئمن- ده.ایسکیلیک سرقیتلریگه آغزیمیز سؤله گی آقیب یورسه یخشی ایمس دیب اؤیله یمن،دیدی کوموش خان.
- باله ام اؤغیل بؤلسه اونگه مین آت قؤئیه من البتته.مین آته من دیدیم -کو.
- خوش قنده ی اسم قؤیه سیز؟- دیب ایریدن سؤره دی او.
- نیمه قؤئیسم هم مسلمانچه اسمی بؤله دی.بیلدینگمی؟چونکی مسلمانچه اسم آلگن باله تؤغری جنتگه تؤشه دی.باله منی قاری قرآن قیلیب تربیه لیمن.باشقه مللتلر اسمینی باله مگه قؤئیب اونی دوزخی بؤلیشینی إیسته میمن زنهار!الله نینگ قهریدن قؤرقه من.بو مساله ده مینیگ قراریم قطعی،دیدی خمره یگن عبدالله.
- مینگه قالسه اؤز مللتیم خاص،اولوغ اجدادلریم قؤئیگن اسملردن قؤیه من.مین عربچه اسمنی اؤغیلچه امگه هیچ قچان قؤئیمین.تیوره گ تاشیمیزده عربچه اسملر قئنب یاتیبتی.اؤز اصلیمیزگه قئتسک یامان بؤلمس آته جانیسی. و اچچیقدن توشینگ؛اؤزیزگه کیلینگ.عادتده باله نینگ اسمی ایمس،آلگن تربیه سی،اؤقیب اؤرگنگن علمی،کینگ دنیاقره شی بیلن حسابله شیله دی حاضرگی زمانده.خارجده یشه یپمیزاخر؛بوگونگی کونده عربچه آت قؤئیش سهل کم گناهگه تینگ بؤلیب قالدی بو یورتلرده.ایرته باله میزنینگ اولغه یشی بار؛چیت ایللرگه کیریب چیقیشی بار.حاضردن اونگه تشویش توغدیرمیلیک آته سی،- دیدی کوموش خان ایریگه.
اپتیدن باله گه اسم قؤئیش مساله سی حل قیلیب بؤلمس بیر معمّاگه ائله نیب بارماقده ایدی.کیلیشو مراسا-مدارادن نشانه یؤق عایله ده.ایرکک دؤق- پؤپیسه،اوروش،سؤکیش حسابیگه بؤلسه هم اؤز حکمینی اؤتکزیش فکریده.قؤل کؤته ره ی دیسه قانون آلدیده جوابگرلیک بار.ایر-خاتین قانون آلدیده تینگ.بیری-بیریدن اوستون ایمس بو یرلرده.
قـــئتــردنـــیا
اویده بؤلیب اؤته یاتگن هرکونلیک خفه گرچیلیک خانه هواسینی بوغیب باره ر؛اوی دیوارلریدن زردابگه اؤخشه گن غضب،عداوت یاغیلیب توریبتدی.کوموش خان نینگ کؤکره گیده گی باله قنده ی توغیلیشینی شیشه ده گی بلیقچه احوالیدن بیلیب آلسه بؤلردی.بلیقچه نینگ سیرتیده گی اوّلگی قیزغیش،شوخ آلتین رنگلر قاره یگن.قارنیده گی چرایلیککینه تنگه چه لر إیچیگه چؤککن.تنگه چه لرنینگ أیگینه ده ی تیشیگیچه لریدن تشقریگه إیرینگ آقیب تورگن اؤخشردی.شیشه ده گی سوو هم انچه ین خیره لشگن.آره چوره ده کوموش خان نینگ کؤرینیش بیریشی بلیقچه گچه جان عطا قیلگودیک.عجبا،غضبی بیتلریده تاشیب تورگن عبدالله نی کؤرگن شوگینه بلیقچه،خوددی جلادنی کؤرگنده ی نفسیینی إیچیگه توگیلیب،جیمیب کیتردی.
عایله ده ناخوش وضعیت حکمران.دیره زه آلدیده تیریب قؤئیلگن توه کلرده گی گللر هم سؤلی باشله گن. بیر-إیکته سرغینن یپراغلری-ده،پستگه توشیب یاتردی.اوینینگ هواسینی تازه لب تورگن شمال ایندی کیرمی توریبتدی.چیراقلر یاریغی هم اوینی یاریتیشگه یتمه یاتگنده ی.همّه یاقده کوموش خان نینگ کؤز یاشلری عکس ایتیب تورگنده ی گویا.
کؤزیاریش آلدیدن
آنه نینگ کؤنگلیده جوش اوریب تورگن محبتنی حسابگه آلمه گنده،دنیاگه کیله یاتگن ینگی مهماننی هیچ کیم کوتیب آلمه یاتگنده ی...چقه لاق نینگ آی کونی یقینلشدی.تؤققیز آی ایزیلیب ادای تمام بؤلگن.کوموش خان توغروق آلدیدن حالسیز لندی. بوتون وجودینی درد آلیب بیللر ققشی کیتدی.دیوارگه سویه نیب باریب،اؤریندیققه اؤریندیقده اؤتیرده- ده،بیردن کسلخانه گه قؤنغیراق قیله باشله دی...آره دن اوچ دقیقه اؤتر-اؤتمس آق کییملی بیر عیال،إیککی ایکی ایرکک کوموش خاننی ماشینه گه سالیب کسلخانه گه آلیب کیتدی.یریم ساعت اؤتمسدن ایری عبدالله هم کسلخانه یؤل آلدی.کؤز یاریش آلدیدن کویاو تؤره هنسیره گن بیر وضعیتده توغروقخانه گه یتیب کیلدی.کؤزلری النگ-جلنگ بؤلیب توریبتیدی نیمه قیلرینی بیلمی.
باله نینگ إینغ-إینغلله گن تاووشی دهلیزنی تؤلدیریب یوباردی.همشیره چقه لاقنی آنه نینگ قوچاغیگه تشلب،التفات إیله انگلیس تیلیده إیلیق تبریک سؤزلری ائتدی.عبدالله نینگ قاوجیره ب قورویگن لبلری انگلیسچه لب رحمت دئیشگه بارمه دی.
بیر ساعت اؤتر-اؤتمس یوزلریده کولگو موج اوریب تورگن کسلخانه نینگ سکرتری چقه لاقنینگ اسمینی حجتلشتیریش مقصدیده خانه گه کیریب کیلدی.
-دایه ایرکک می ایدی،عیال،-سؤره دی عبدالله ایسنگیره گن بیر کؤرینیشده.
-بیزده اونینگ اهمیتی یؤق.کیم بؤلسه هم انسان نینگ دردینی آلسین،بیمارگه یاردم قیلسین،- عیال دوختور.
چقه لاق نینگ قؤلچه سیگه کودلشتیریلگن تسمه آسغیقلیغ ایدی.باله نینگ آغیرلیگینی تؤرت یریم کیلو دی،همشیره لبلری کولکیکه تؤلیب.
- خوش،چقه لاققه نیمه اسم قؤیه میز؟،دیدی دفتر کؤتریب تورگن سکریتر خانم.
آته هم،آنه هم اؤز دلیده توگیب یورگن ناملرینی بیرین- کیتن ائته کیتدیلر.شو زمان قؤللرینی کوره گدیک پخسه توتگن عبدالله نینگ غضبلی آوازی دؤرریلله دی.کوموش خان ایسه،مین بو اسمگه قرشیمن!-دیه توریب آلدی. جنجل قی -چوو آواز کؤتریلدی. وضعیت جدی توس آله باشله دی.تؤق پؤپیسه لر ملتیق اؤقی ده ی، اطرافگه ناتینچلیک تره تدی.شاوقین اووجیگه مینگن پلله.قؤرققه نیدن سکریرتر خوفسیزلیک چاره لرینی کؤریش مقصدیده چققانلیک بیلن{911}گه سیم قاتدی.بیر پاسده پولیسلر توغروققخانه گه یتیب کیلیدیلر.آته-آنه نی چقه لاقدن اجره تدیشدی.اونی کیره کلی تشکیلاتلر آته لییقه آلیشدی.چقه لاقنینگ آتینی هیچ کیم بیلمه دی.ایندی اونی آته -آنه یا کؤرگی یا کؤرمه گی.
بلیقجه کوموش خان نینگ دردینی آلیشگه یره رمیکن.یره مسه کیره ک.بو عایله ده او هم روحن مجروح و خسته لنگن،درمانگه محتاج.کوموش خان نینگ ایرکه دیب جقیریشینی إینتیقلیک بیلن کوته دی بلیقچه.اما ایندی...