عزیز اؤقوچی ملتداشلریم فکر وقلم ایگه سی!
اسلامی معرفت ، مدنیت وتصوفنی عالمگه یاییشده تورکی مشایخلرنینگ
خدمت واولوشی بغایت کتته بؤلگنی تاریخدن معلومدیر.اؤنلب انه شونده ی
طریقت پیشوالری ، پیر ومرشدلر تاریخ نینگ آلتین زرورقلریدن اؤزیلریگه
مناسب اؤرین توتگنلر. اولرنینگ حیاتنامه سی ، فکر دنیاسینی یاریتیش و
اؤقوچیلرگه ییتگزیش مقصدیده،ویبلاگیمیزده «تورکی مشایخلرسلسله سیدن»
تورکوم مقاله اعلان قیلیشگه نیت قیلدیک . بیزنینگ نظریمیزدن چیتده قالگن ،
بیراق، سیزنینگ اختیارینگیزده بؤلگن قؤشیمچه معلوماتلر بؤلسه همکارلیک
قیلرسیز دیگن امیدده میز.
(۱)
ارسلان باب
ایریک تورکی مشایخلردن بیری .ارسلان باب اون بیرینچی
عصرده یشب اؤتگن تصوف پیشوالریدندیر. بو شیخ حقیده گی
معلوماتلرقیسقچه بؤلسه- ده ،مناقب، نصبنامه لرده اوچره یدی .
تصوفی قره شلرنی یایگن شیخ ارسلان باب حقیده مخصوص
تدقیقات ایشلری قیلینمه گن . تورکستان پیری خواجه احمد یسّوی ارسلان باب
آلدیده تعلیم آلگن. ارسلان باب حاضرگی قیرغیزستان حدودیده شو نام بیلن
اتلوچی بیر ییرده ابدی قرار تاپگن .مذکور شیخ دن منثور، منظوم اثر
قالگنلیگی حقیده حاضرچه معلوماتلر ییتیب کیلگنی یوق .