تصویر اینتیرنیتدن آلیندی
تورکی مشایلر سلسله سیدن
(۵)
سیّد آته
مشهورتورکی مشایخلرسلسله سیدن، اسمی سیّد احمد آته سی نینگ
اسمی سیّد ابو بکر، بوگونگی اؤزبیکستان پایتختی تاشکینتده توغیلیب
وایه گه ییتگن . شیخ نینگ توغیلگن ییلی معلوم ایمسدیر. احمد یسّوی
طریقتی نینگ ایریک نماینده سی بؤلمیش سیّد آته زنگی آته نینگ
شاگردی وخلیفه سی سنه له دی . سیِد آته هم تورکستانده یشه ب ،
باشقه متصوفلر قطاری تصوف طریقتلرینی توشونتیریش بیلن بیرگه
آدملرنی راستلیک، انصاف وعدالتگه دعوت قیلیب یورگن . یسّولیک
طریقتیده پیر و مرشد گه سؤزسیز اطاعتده بؤلیش اوستون قاعده
حسابلنگن . انه شو پرنسیپگه شیخ سیّد آته هم قتّیق عمل قیلگن .
طریقت یوروقلرینی ترغیب قیلیش اساساً آغزه کی ( وعظ یؤلی)
بیلن عملگه آشیریلگن . سیّد آته دن بیرار- بیر رساله ، کتاب ،
حکمت میراث قالگنی حقیده معلومات سقلنمه گن . سیّد اته عمری
نینگ آخریده تاشکینتدن آرالگه کؤچیب باریب،1292 -1311ینچی
ییلر آره سیده اؤشه ییرده وفات ایتگن . («اسلام انسکلوپیدیه سی»
، 205 - بیت).سیّد آته حقیده گی ایکینچی معلوماتنی علیشیر نوایی
نینگ «نسایم المحبت»اثریده اوچره ته میز . سیّد آته باره سیده
نوایی قو ییده گیچه معلو مات بیره دی: «خواجه احمد یسّوی نینگ
قرابتیدور. ریاضت بیله مجاهده لرتارتیبدور.ایشی اول ییرگه ییتگن
ایکندورکه، دیبدورلرکه،مین واحمد تینگه شتوک، مین بییکراک
ایردیم .انی بعضی هم سیادتغه منسوب قیلیبدورلار و تورک
اولوسیدا اتا دیرلار. و شهرتی بغایت کؤپدور و داعوامیزسؤزی
هم کؤپ.» («نسایم المحبت»، 425- بیت)
ذ. ایشانچ