خوش،نیگه آنه تیلیمیز اؤزیده گی شونده ی یوکسک قابلیتنی إیشگه ساله آلمه یپتی؟عکسینچه تیلیمیز تاباره مورتله شیب،هلاکت یاقه سیگه کیلیب قالگن. یؤقاریده،اؤزبیک تیلیده جنسنی بیلدیروچی سؤز و قؤشیمچه لریؤق دیدیک.شونگه قره می،تیلیمیزگه بیگانه تیللردن:«حلیمه»،«نجیبه»«جمیله»،«کریمه»،«نعیمه»، «رابعه»،«شفیقه»،«شریفه»،«معلمه»،«مدیره »،«رئیسه»،کبی ته لیگینه سؤزلر کیریب کیلگن. بو سؤزلر اصلیده عرب تیلیگه تیگیشلیدیر.بونده ی سؤزلرعرب استیلاسی دوری، اسلام دینی آرقه لی تیلیمیزگه اؤتگنینی یخشی بیله میز.
جنس توشونچه سینی بیلدیروچی سؤزلرنی طبعی روشده تیلیمیزگه کیریب کیلگن،دیب ائته آلمیمیز. بو نرسه تیل قانونیتلریگه ماس کیلمیدی.زوره کی اؤزلشگن عنصرلرکوچ،تجاوز و زوره وانلیکلر نتیجه سی اؤله راق تیلیمیزده اؤرنه شیب قالگندیر. اولرقنده ی یؤل بیلن کیریب کیلمه سین،متن بغریده جنس افاده لاوچی یات سؤز وقؤشیمچه لر«آلتینچی بارماق»قه اؤخشب اجره لیب توره دی. تیلمیزنینگ حسنینی بوزه دی هم.خوش،تیلیمیز،مدنیتیمیزتاریخیده نیمه اوچون بوکبی ناخوش حادثه یوز بیردی؟باردی،شو عربچه اورغاچی اسملرنی قبول قیلمه سک،آسمان اوزیلیب یرگه توشرمیدی؟یؤق هیچ قچان. عکسینچه تیلیمیز ینه ده بای،کؤرکم و طبعی جرنگلب،جلوه له نیب تورگن بؤلردی. بونده ی بؤلیشگه بیر تاماندن اؤزیمیزنینگ نادانلیگیمیز،مسولیت سیزلیگیمیزسبب بؤلگن بؤلسه،باشقه تاماندن عرب پرستلیک(؟)بیزنی شواحوالگه سالیب قؤیدی دیسک هیچ هم مبالغه بؤلمیدی. عرب باسقینیدن آلدین شانلی تاریخیمیز، پارلاق اؤتمیشیمیز بارلیگینی بیر ایسلب کؤرینگ- ه!جهان تمدّنی تاریخیده اؤزیدن یازوو(خط)میراث قالدیرگن خلق نینگ تیلی بونده ی بؤلیشی انصافدنمی؟بیزنیگه عرب پرست بؤلدیــــــک؟نـــــیمه:
- عربلر بیلن قانداش،قرینداشمیزمی؟
- عربلر بیلن بیر حدودده قؤشنی یه شــَگنمیزمی؟
- عربلر بیلن قیز بیریب،قیز آلیشگنمیزمی؟
- عربلر بیلن اقتصادی آلدی- بیردلریمیز بارمی ایدی؟
- عربلر بیزدن کؤره قدیمیراق مدنیتگه ایگه میدی؟
- عربلر عرش اعلی دن توشگن،بیز ایسه یردن کؤکرگن قؤزی قاریمیزمی؟
بو آغریقلی سواللرگه جوابیمیز بارمی؟ یؤق البتته!
«إیگنه نی اؤزینگه سنچ،آغریمه سه بیگیزنی باشقه گه سنچ»-دیگن دانا مقال بار تیلیمیزده.
ایندی،سیز حرمتلی اؤقوچی بیر عربگه قوئیده گی اؤزبیکچه اسملرنی باله لرینگیزگه آت قؤینگ، دیه دوستانه التماس قیلیب کؤرینگ چی؟ قنده ی جواب آلرکنسیز؟ مثال اؤله اق،منه بو اؤزبیکچه اسملر:ایش قول،بالته،اؤراق،ایرکین، ایگمبیردی، کینجه،یامغیر،تورسون، باتیر،تؤره،یولدوز، توردی،بؤری،آیدین، اولکر،تیمورکبی آتلرنی قؤی! دیب ائتیب کؤرینگ چی؟ اولر سیزنی یرگه اوریب حقارت قیلیشگچه باریشی تورگن گپ.اگر انصافی بؤلسه،«اکه سین جیننی-پیننی ایمسمی سن؟»-دیب قؤیسه هم عجبلنمنگ.چونکی،اولرعرب قومیگه منسوب بؤلمه گنلرنی:«عجم»یعنی،گــــؤل،اخماق،نادان،توشینمس،عقلی پست، فهمی یؤق،لـَوده،دیب اته شه دیلر. قنده ی قیلیب بیر عجم اؤزبیک نینگ اسمینی،عرب اؤزیگه قبول قیلسین؟لیکین،بیز اولرنی کور-کورانه قبول قیلیشگه مجبور ایتیلگنمیز.اؤزی،بونده ی زؤره کی قدریت(ارزش)لرنی سؤراق آستیگه آلیش پئتی کیلمه دیمی؟ عربلر آنگیمیزنی قوریتیب،شعوریمیزنی ایمیریب،باشیمیزگه قازیق قاقسه هم اولرپگه تاپینیب،سیغینیب یه شی بیره میزمی؟یؤق البتته! ایندی کؤپ امانت نرسه لرنی شونده ی لیگچه عربلرگه قئــئتریب بیرش وقتی یتتی. ؤقسه،اؤزیمیزهم ،تیلیمیز هم اؤلیمگه محکوم !
اوّل عربیزیمدن قوتیله یلیک،کیئین،فارس،اوغان وباشقه لرنینگ حسابیگه یته میز البتته.آنه تیلیمیز گه جوده کؤپ جفا،ظلم،ستملر روا کؤریلگن.شونینگ اوچون تیلیمیزنی آرتیقچه یوکلردن بؤشه تیشیمیز ضرور.اگر شونده ی قیلمه سک، تیلیمیزنینگ آه و ناله سی،قرغیشیگه گرفتار بؤله جگمیز.
کؤتریلگن مساله تیوره گیده گی فکرلریمیزنی دوام ایتتیرسک .
تورگن
گپکی،جسنی توشیتیروچی سؤز و قؤشیمچه لرنینگ اؤزبیک تیلیگه سوقیلیب کیریشی
هم علمی-گراماتیک،همده اجتماعی،فلسفی جهتدن قؤپال خطادیر. اؤزبیک مللتداشلریمیزدن التماسیم شوکی،اؤز مکتوب و یازیشمه لریده عربچه جنس بیلدیروچی قؤشیمچه لردن فایده لنمه سینلر.مثال صفتیده :
رئیسه،مدیره،معلمه،معموره،کاتبه،خادمه،سرمعلمه،دیب یازیشلرمطلقا،خطادیر. بونده ی خطاگه یؤل قؤئیلمه سه تیلیمیزگه رحم وشفقت قیلگن بؤلورایدیک. بوسؤزلرنینگ اورنیگه اؤقتوچی،کاتب،مدیر، رئیس ،دیب یازیلسه تؤغری إیش توتگن بؤله میز.
اؤزبیک تیلیده عیاللرگه مراجعت قیلینگنده،یاشیگه اجتماعی موقعیگه قرهب، کؤپراق، «خانیم»، «بیگیم»،«بیکه»،«آپاقی»، «آپه»،«آنه»،«آیی»،"بی بی"و "مامه"،«کیلین آیی» سؤزلریدن فایده لنه دیلر.تیلیمیزنی ممکن قدر انه شونده ی یات عنصرلردن تازه لشیمیز کیره ک.اولر اؤرنیده معامله دن چیقیبکیتگن دُردانه سؤزلریمیزنی آلیب کیریشیمیز دور طلبی دیر. یؤقسه،تیلیمیز اؤلیب کیتیشی هیچ گپ ایمس.شونده ی بیر وضعیتگه یوزمه -یوز توریبمیز درواقع.