اگر اؤقیب باره یاتگن بؤلسنگیز،«انتالوژی»رُکنیمیزده بیز اؤزبیک ادبیّاتی نینگ اینگ یارقین ادبی سیمالری حقیده،ممکن قدرقیسقه،توشونرلی و إیخچمراق کؤلمده معلومات بیریشگه حرکت قیلدیک.ینه،ایسینگیزده بؤلسه،ادبیّاتیمزنینگ إیلک صحیفه لرینی میلادی 5-6-إینچی عصردن توتیب ورقلی باشله دیک. یعنی،اورخون ینه سای بیتیکلریدن تا 15-إینچی عصرگچه بؤلگن دور ادبی سیمالری حیاتی وایجادی  بیلن سیز عزیزلرنی ته نیشتیردیک.شومینگ أیللیک دور إیچیده، ممتاز ادبیّاتیمیز بیلن باغلیق قلمگه آلینمه گن ته لیگینه مساله لر یاریتیلمی کیلدی.

قوئیده گیلر حقده  گپیریلمه دی   :

1.اؤزبیک تورکی لغتچیلیک مساله لری؛

2.یازمه ادبی- بدیعی اثرلرمساله لری؛

3.اؤزبیک تورکی ادبیّاتی نینگ مضمون و موضوعلری(اجتماعی،فلسفی،تصوفی،اخلاقی

مساله لری)؛

4.اؤزبیک تورکی ادبیّاتی نینگ ژنر خصوصیتلری؛

5.اؤزبیک تورکی ادبیّاتینی دورلشتیریش مساله لری؛

6.اؤزبیک تورکی ادبیّاتی نینگ تیل خصوصیتلری؛

7.قرداش ومنطقه خلقلری ادبیّاتی بیلن باغلیق ادبی علاقه لر مساله لری؛

8. اؤزبیک تورکی ادبیاّتی بیلن باغلیق سیاسی دور مساله لری،

9. اؤزبیک ادبی حوزه لری.

سه نب کؤرسه تیلگن موضوع ومساله لرانتالوژی دایره سیگه سیغمه گنی اوچون چیتلب اؤتیلدی. بولر کیزی بیلن علیحده یازیلیشی و توشینتیریلیشی ضرور معمّالر سیره سیگه کیره دی.

دیمک،ادبیّات نماینده لری موضوعیده گی معلوماتلریمیز علیشیر نواییگچه بؤلگن دورنی اؤز إیچیگه آلدی .شونی هم قید قیلیش کیره ککی،بو آره ده اونچه کتته ادبی اهمیتگه مالک بؤلمه گن شاعر وادیب ایجادکارلر توشیریب قالدیریلدی.اولرنی مستقل اؤرگه نیشگه کؤپ هم احتیاج سیزمه گنیمیز باعث شونده ی یؤل توتدیک.

اولوغ نواییگچه بؤلگن ممتاز ادیبلرنی ته نیشتیریب باره ر ایکنمیز،اؤزبیک تورکی ادبیّاتی دیگن عباره نی قؤلــله دیک. بو مللی ادبیّاتیمیز بیلن عموم تورکی مشترک ادبیّات اؤرته سیده گی چیگره  دیگنی ایمس البتته. صاف اؤزبیک ادبیّاتی نینگ مستقل شکلله نیش دوری ائری مساله. او عینن، 15-إینچی عصردن ایمس،بلکی،انچه ایرته شکللنه باشله گن.مورد و مناسبتی بیلن بو باره ده  فکر یوریتیش نیتیمیز هم یؤق ایمس.

مللی ادبیّاتنی تیلگه آلدیکمی،ینه بیر نرسه حقیده گپیرمسک بؤلمس.

آلدینلری ائتگنیمیزدیک،شونده ی هم تؤرت یوز أیلدن بویان خراسان(اوغانستان)اؤزبیک ادبی حوزه سیده تام بؤشلیق حکم سوریب کیله یاتگن بیرپلله ده،نیگه دیر؟ تیلیمیز،ادبیّاتیمیزومدنیتیمیز شأنیگه بیلیب- بیلمَی ناباب و نامناسب گپلر ائتیلیب کیلماقده ومطلقا نا تؤغری یؤل توتیلماقده.

او هم بؤلسه،ایمیشکی،«نوایی اؤزبیک تیلی وادبیّاتی نینگ اساسچیسی»؛«اؤز مللتیدن تانماق، یعنی،بیز اؤزبیک ایمس،تورکمیز دیئیشلر»؛«اؤزبیک تیلیگه قرداش تورک تیلی فونیتیکه و لیکسیکه سینی  زؤره کی  روشده سنگدیریشلر»؛«ینگی اؤزبیکچه مسخره تیل یره تیش؟»«اؤزباشیمچه یازه بیریش»کبی عللتلردیر. بونده ی علمی بؤلمه گن ناجویه خط- حرکتلر برقرار دولت و جمعیتلرده قیلینگنده ایدی،وقتیده آلدی آلینگن بؤلور ایدی.

تن آلیب ائتیش کیره ککی،تیلیمیز قانونی حمایه قیلینمگنی اوچون بونده ی عافتلر اورچیب تورماقده.

عرب،اوغان وفارس ظلمی یتمه گنیدیک،اؤزیمیز اؤزیمیزنینگ إیلدیزیمیزگه بالته اوریب، باشیمیزگه یته یپمیز.عموم تورکی مشترک قدریتلریمیزنی سیوب وحرمت قیلگن حالده،بیزهم  باشقه لر سینگری مستقل خلق،مللت ایکنیمیزنی اونیتمسلیگیمیز کیره ک.

کیئینگی هفته دن آلیب،«انتالوژی»رکنیمیز نینگ نوبتده گی مقاله سی اولوغ متفکر شاعرعلیشیر نواییگه بغیشلنه دی.نوایی حقیده گی تؤله راق واینگ ینگی معلوماتلرنی تقدیم قیله جک میز.