سؤره لگن سؤزلرگه ایضاح
حرمتلی ویبلاگخواملریمیزدن قدرت الله صمیمی إیککینچی مرته دیرکه بیرنیچته عربچه، فارسچه سؤزلرنینگ اؤزبیکچه معنالریگه ایضاح بیریشمیزنی سؤره بدی. اوّلا،ویبلاگیمیزنی قیزیقیش بیلن اؤقیب،اؤزیگه کیره کلی وفایده لی معـــلومات آله یاتگن جناب قدرت الله صمیــــمی و برچه ویبلاگـــــخوان دؤستــــلرگــــته اؤز منتدارچیلیگیمیزنی بیلدیره میز. توشونمه گن اؤرینلر همده سواللرینگیز بؤلسه، بیزگه یازینگ البتته جواب قیله میز. دؤستیمیز قدرت الله صمیمی منه بونده ی دیب یازبدی:
اسلام علیکم حرمتی استاد ایشانچ.مین جودهم ییبارگن ایمل و ترقتگن جواب لرنینگیزگه تشکرلرایتیب، تینگری تعالی دن سیزگه ازون عمر ایستیمن.و ینه هم بیرقنچه لغتلر و عبارت لرگه جواب قیته ریشیزگه التماس ایته من .
سؤره گنینگیز اوچون ینه بیر بارتشکِّر.
کؤرسه تیلگن سؤزلرنینگ اؤزبیکچه سینی یازیشدن آلدین شونی ائتماقچیمن که، آنه تیلیمیز بوتونلی إیزیدن چیقیب کیتگن.غریب بیر احوالگه توشیب قالگندیر. بونده ی بؤلیشگه بیرینچی گلده اؤزیمیز عیبدارمیز. تیلیمیزنی دری-فارسی وعرب تیلی نینگ شکنجه سیگه سالیب قؤیگنمیز.حال بوکی،اؤزبیک تیلی هرقنده ی توشونچه،فکر ومقصدنی افاده لشگه قادر بیر تیلدیر.اونی بیز اؤزیمیزافگار قیلیب قؤیگنمیز.
سؤره لگن سؤزلر احتمال ترجمه اوچون ایضاحله نیشی کیره ک بؤلیب قالگندیر. شونی ایسدن چیقرمسلیک کیره ککی،خبر،مطلب،جمله وعباره لرنی اؤزبیک تیلیگه اؤگیره یاتگنده،عین،سؤزمه -سؤز آغدرشگه حرکت قیلمسلیک کیره ک. متننی آغدره یاتگنده ایرکین ترجمه دن کینگ فایده له نیش لازم.بو بیرینچی مساله،إیکینچی سی "تیلنی صاف قیلیش کیره ک"- دیگن فکرگه سوینمسلیک درست.تیللر هم تریک انسانلرکبی اؤز ارا باغلیقدیر.تیللربیر-بیریگه سؤز بیره دی وبیریدن سؤز آله دی.بو هم اؤز باشیمچه لیک بیلن عملگه آشمسلیگی شرط. معیار بؤلیش لازم، معیارنی بؤلسه،بیزنینگ سؤز بایلیگیمیز،کتابخوانلیگیمیز و کینگ مطالعه میز بیلگیلیدی.ایندی سؤزلرنینگ اؤزبیکچه معناسینی بیره میز:
احتــــمال - احتمال.
شاهدان عینی - کؤزی بیلن کؤگنلر،واقعه شاهدلری.
مملو - تؤله، تؤله - تؤکیس.
حین - پیت(ده،)زهاتی،چاغ(ی).
رای - رای، آواز.
ردیف - قطار،سان،جمله(سیدن).
تصادم- تؤقنه شو،اوریلیش.
برنده - یوتگن،قازانیوچی، غالب.
واجد شرایط رای دهی- رای (آواز)بیروچیلر.
سرنوشت - تقدیر.
موتر کاروان اکمالاتی - بوتلاوچی موترلرکاروانی،اکمالات قیلوچی موترلر.
قربانیان انتحاری - خودکشلیک قرباتلری.
قوماندان امنیه - امنیه قوماندانی.
پوسته امنیتی - خوفسیزلیک پؤستی،قاراول خانه.
لیله(خوابگاه )- یاتاقخانه.
پیشرفت - یوکسلیش.
اصابت کردن - تیکماق، باریب تیکماق.
هویت - کیملیگی،کیم ایکنلیگی.
خانواده - عایله،اویماق.
بهانه - بهانه،یوزیگه تارتماق.
گمان کردن- گمان قیلماق،شبهه لنماق.
ارزیابی - تیکشیریب چیقیش،اؤزیدن قیلیش.
برجسته - تنیقلی،اتاقلی(شخص)،دؤنگلیک(جای معناسیده)تیپه لیک،
آزمایش(آمایش موشک)- راکیته سیناوی.
قرعه کشی - بخت سینــَـش.
نخست وزیر- باش وزیر.
تصمیم گرفتن- قرارگه کیلماق.
نیروهای حافظ صلح- تینچلیکنی سقلاوچی کوچلر.
منابع امنیتی - خوفسیزلیک منبعلری.
رابطه - رابطه،علاقه،
تطبیق واکسین - واکسین قؤللش،واکسین إیشله تیش.
تهداب -اساس،بنیاد،تمل تاش
پیشنهاد کردن- تکلیف قیلماق.
ترجمه ده سؤزلرنی ایمس بلکی،فکر،معلوماتنی اؤزسؤزلرینگیز بیلن افاده لشگه کیریشینگ. رسمی حجّت،خلق ارا شرطنامه لرنی ترجمه قیله یاتگنده تورغون سؤز وبیریمکـــــه لردن فایده له نیله دی.یعی،اتمه گه تینگ اتمه،سؤزگه تینگ سؤز تاپیب إیشله تیش طلب قیلینه دی.