بابا
بابا، سؤز چؤغینی سین تازه قیلدینگ،
تیــــرَن(۱) معنــالرین آوازه قیـلـــدینگ.
سؤزینگدن جان تاپتی تورکــی عالم،
نه یالغیــز تورکی عــالم، بــرچه آدم.
دُر و گوهر قؤلینگدین ایلگه ساچدینگ،
سکوت آقشامیـــده کؤزیمــنی آچدینگ.
قؤیاشدیک اؤیلرینگ روحنی یاریتدی،
کلامینگ جلوه سی عالمنی تــوتـــدی.
تیلــیمــنی اؤیلــریمــــده بــار قیلدینگ،
اؤزیمنـی اؤزلیگیمـــگه یــار قیلدینگ.
بــابـــا، سینـــدن جانیم تـاپتـــــی نـوالر،
سینیق روحیمــده گی بیتــــدی یرالر.
تفککـر رشته سین تویغودن ایشتینگ،
منگو قؤشیـق قیلیب جانیمگه قؤشدینگ.
سؤزینگنی فکر وحکمتگه یوغیردینگ،
بشر سیزگیسین ایزگــولیککه بوردینـگ.
بــوتــون دیــــوانلرینـگدیر درد بـــاغــی،
حیـــــاتـنی نور بخـــــش قیلگن چراغی.
تـــوغیلگن کـــونده سینــــی یاد ائله ی،
اجـــازه ت بـــیر مبارک بـــاد ائلــه ی.
پـــریشــــان ســـــؤزلریــمده مهر پنهان،
اگـــرچــــه صنعتیمـــده بــــار نقـصان.
قؤلیمدن اوشله باشقــر یـؤل أیـراقدیر،
کمالگه یؤلـــله ماغینگ یخشیـــراقدیر.
قــــؤلیم بــؤشـدیر، بابا ،چنقاق دلیم بار،
شعـــوریمـــــده یتیلـــگن حاصلیم بـــار.
اونــــی کویلشــــگه دستِ باز بیرگین،
بویوک ایجاد سری پــــرواز بیـرگین.
اولوغ کونلرده ایسلش یخشی إیشـدیر،
ادا قیلماق حقینـــگ بیـزگه یومیشدیر.
اؤز یورتینگـده مقامینــگدن خبر یؤق،
سینی انگلشگـه إیشـــلردن اثـر یــؤق.
مزارینگنی کؤریب بغــریم ایزیلدی.
کؤزیمدن تیرقیره ب یاشلر تیزیلدی،
مزارینگ«اؤقچی دوکانیگه اؤخشر»،
شو اؤقلردن روحینگ بی زاوته، ققشر.
یاوز روحلر سینی بیگانــه تــوتـگی،
بو إیش بیرله یوره ک اؤیــن ساوتدی.
نیگه اوینگده سیــن، محـزون سین آخر!
قیامت شرپه سیدیک اون(۲)سین آخر!
إیشانچ
ـــــــــــــــــــــــــــــــــــــ
۱.اؤته چقور، ته گیگه یتیب بؤلمس
۲. فریاد،آواز،تاووش،صدا