حرمتلی اؤقوچیلر

بویوک متفکر، سؤز ملکی نینگ سلطانی، اولوغ بابامیز امیر نظام الدّین علیشیر نوایی توغیلر کونی (1441-1501) آلدیدن، بو ذات نینگ ادبی- علمی میراثنی عامّه اختیاریگه قؤئیش مقصدیده بیر الکترون صحیفه آچیشگه قرار قیلدیک. اوشبو ویب صحیفه یقین کونلرده اؤز إیشینی باشله یدی. بو صحیفه گه باش چیکرکنسیز، سیز عزیزلر نوایی شناسلیک بؤئیچه یازیلگن اینگ ینگی مطلب، مقاله و علمی تدقیقاتلردن شونینگدیک، نوایی شعریتیدن اؤقیب باره سیز. بو ویب صحیفه گه حاضرچه، علیشیر نوایی نینگ آلتی دیوانی:

۱. «بدایع البدایه»(«گؤزه للیک نینگ باشله نیشی/بدیعیلیک ابتداسی»)؛

۲.«نوادر النهایه»(«نادرلیکلر نهایه سی»)؛

«خزاین المعانی»(«معنالر خزینه سی»):

بو دیوانلر شاعر عمری نینگ تؤرت فصلیدن آلینگن

۳.«غرایب الصغر»(«باله لیک غرایباتلری»)؛

۴.«نوادر الشباب»(«أیگیتلیک نادرلیکلری»)؛

۵.«بدایع الوسط»(«اؤرته یاش بدیعه لری»)؛

۶.«فوایدالکبر»(«کیکسه لیک فایده لری»).

بولر آرتیدن «خمسه» و اوندن کیئین شاعرنینگ بوتون اثرلرینی جایلشتیریش نتیتیده میز. اؤقوچیلریمیزدن التماسیمیز شوکی، إیش و فعالیتیمیزگه فکر بیلدیریب، کمچیلیکلریمیزنی تؤغریلشگه کؤمکداش بؤلسینلر. بیلگنینگیز دیک، بو إیش جوده آغیر و کتته. شونگه قره می، علاجی باریچه نوایی شعرلری متنی خطاسیز ثبت قیلیسین، دیئمیز-ده.

سایتگه کیریش اوچون نوایی نامه(صفحه باشیده) دیگن جایگه باریب کلیک قیلینگ.

علیشیر نوایی هیکلی