بیلدیریش

حرمتلی تیلداشلر

 سیزعزیزلرگه شونی معلـــوم قـیله مــیزکی،ویبلاگیمیز

 قورلیمه سی کیچــــیک بیراؤزگریــشگه یوزتـوتـماقده.   

 إیچیده گیلرایسه شو آدریسده گی ینگی مجازی کتکچه

 لرگه کؤچیریلــه یــپتی. اوزاق ریـــــجه میز ویـبلاگگه 

 اؤزبیک ادبیّاتیگه عاید بیرتقیم کتابلرنی جایلشتیریدیر.

 إیـش اداغ تـاپگونگه قـدربیرمونچه چلکشلیک یــــاخود 

 خطالرچیـــقیب قالیشی ممکن. کمچیلیکلرنی تـــوزتـــیب

 بؤلیشیمیزگچه صبرلی وکیچیریملی بؤلینگ.

                             حرمت بیلن  ویب مسوولی

بیلدیریش

حرمتلی تیلداشلر 

    اؤزبیک تیلینی اؤرگنیلیک درسی نینگ نبوتده گی

    ینگی(۱۵) سانینی منه بو آدرسدن اؤقیب آلینگ: 

    www.ishonch.blogfa.com 

بیلدیریش

حرمتلی تیلداشلر 

    اؤزبیک تیلینی اؤرگنیلیک درسی نینگ نبوتده گی

    ینگی(۱۴) سانینی منه بو آدرسدن اؤقیب آلینگ: 

    www.ishonch.blogfa.com

بیلدیریش

حرمتلی تیلداشلر 

    اؤزبیک تیلینی اؤرگنیلیک درسی نینگ نبوتده گی

    ینگی(۱۳) سانینی منه بو آدرسدن اؤقیب آلینگ: 

    www.ishonch.blogfa.com

حرمتلی تیلداشلر 

    اؤزبیک تیلینی اؤرگنیلیک درسی نینگ نبوتده گی

    ینگی سانینی منه بو آدرسدن اؤقیب آلینگ: 

    www.ishonch.blogfa.com

نوروز ینگیز قوتلوق بؤلسین

هرتونونگ قدراؤلوبان،هرکونونگ اؤلسون نوروز

نوایی

نوروز مبارک

حرمتلی وطنداشلر

ینگی کونینگیز و ینگی أیلنگیز قوتلوق بؤلسین.

1388-أیل یوزینگیزگه یخشیلیک وایزگونیتلرفصللرینی آچسین.

ینگی إیل ایلیمیزگه تینچلیک،امن وامانالیک کیلتیرسین.

عایله نگیزگه قوت – برکه یاغیلسین.

اؤیغاقلیک ودانالیک سیزنی ترک ایتمه سین.

برچه ریجه لرینگیز عملگه آشسین.

توپراق آلسنگیز آلتین بؤلسین.

ایجادینگیزگه اولکن موفقیتلر تیله یمن.

حرمت وادب بیلن

إیشانچ

                      بیلدیریش

حرمتلی ویبلاگ خوانلر

شو کوندن اعتبارن،"اؤزبیک تیلینی اؤرگنیلیگ"رکنی آستیده گی درسمیزنی                     "اؤزبیک تیلی" نامی بیلن منه بو مستقل آدرسدن اؤقیب بارینگ.

http://ishonch.blogfa.com

 رحمت.

ذ.إ‌یشانچ

                                        منتدارچیلیک

شوأیل سککیزینچی فیبرل کونی،اوغانستان پایتختی کابلده،اؤزبیک

خلقی نینگ ارداقلی فرزندلریدن أیککی بوبوک  ذات:   

علیشیرنوایی وظهیرالدین محمّد بابرنینگ توغیلگن کونلری

طنطنه لی  روشده نشانلندی.  

اوشبو تدبیرنی یؤلگه قؤییب،باش-قاش بؤلگن مللتسیور

وطنداشلریمیزگه،ائنیقسه،تشبّثکار یاشلرگه،قیلگن سعی-حرکتلری

 اوچون ویبلاگ خوانلریمیزنامیدن رحمتلر ایته میز.

شو سنه مناسبی بیلن کؤپچیلیک قلمکشلر قطاری مینینگ هم 

ارزیمس کیچیک مشق واورونیشلریمنی قدرلب،آلقیشله گنلرینگیزدن

تشککر بیلدیره من. باشیم کؤککه یتتدی.سیزنینگ بوتشویقانه  

قوللب- قوِتلاولرینگیز مینگه عالم-عالم کوچ - قوِت بغشله یدی.

وحشی قبیله چیلرتامانیدن بوزوب ویران قیلینگن مدنیتیمیزنینگ 

توتیا سویکلرینی خرابه لردن أیغیشگه بیل باغله گن ایکنسیز، 

ایریم زوغوم وتجاوزلرگه قره می،ایندی بیزهم رواجلنگن مللت 

بؤلیب بؤی کؤرسه ته میز،دیه امید باغله سک هم بؤله دی.

کیزی بیلن بیرنرسه نی ائتیش کیره ککی،اوغانستانده بیرار قاره

کؤزگه(اؤزبیک)یتکــَزیله یاتگن زیان،هربیرینگیزگه،قاله ویرسه

بوتون مللتگه بیرله یاتگن آغیرضربه دیر.دشمن قمیشلرنی

بیتــّه-بیتــَه لب سینیدیرماقچی.«بؤلینگننی بؤری یر»(مقال)

            جمعیتینگیزبارینی دولت توتینگیز. (بابر)

                حرمت وادب بیلن إیشانچ

                                        تورک شاعری الهان بیرک

اتاقلی شاعر و ترجمان، تورک مدرن شعریتی نینگ آته سی الهان بیرک 

 اؤزبیکستناده ینگی ایضاحلی سؤزلیک باسمه دن چیقدی.

                                   ینگی ایضاحلی لغت

اؤزبیک تیلی نینگ  ینگی ایظاحلی لغتی باسمه دن چیقدی. بیش جلدن عبارت بو سؤزلیک حاضرگی اؤزبیک ادبی تیلیده فعال  ایشله تیلیب کیلینه یاتگن   ۸۰۰۰۰ دن آرتیق سؤزو سؤز بیریکمه لرینی اؤزیده قمره ب آله دی . اؤزبیکستانده نشر ایتیلگن  ینگی«اؤزبیک تیلی نینگ ایظاحلی لغت»یدن اؤرین آلگن علم- فن،تخنیک وصنعتگه عاید هربیرسؤزگه تورلی تاماندن ایضاح بیریلیب،سؤزلر علمی - لسانسی  توصیفلنه دی . اوشبو لغت اؤزبیکستان فنلراکادیمه سی علیشیرنوایی نامیده گی تیل وادبیّات انستیتوتی عالملری تامانیدن یره تیلگن. بیش جلدلی «اؤزبیک تیلی نینگ ایظاحلی لتغتی» تیلشناس متخصصلر،ادیبلر، ترجمانلر، عامه وی اطلاعات واسطه لری ایشلاوچیلری،عالی تعلیم موسسه لری نینگ اؤقیتوچیلری،طلبه لر وکینگ کتاب خوان عامه سیگه مؤلجلنگندیر. بوندن انچه آلدین  000 60 سؤزدن تشکیل تاپگن،أیککی جلدلی«اؤزبیک تیلی نینگ ایضاحلی لغتی» اؤزبیکستان تیلشناسلری تامانیدن تیارلنیب 1981-إینچی أیلی مسکوده نشر قیلینگن ایدی. شونی هم تاکیدلش کیره ککی، لغتچیلیک اؤزبیکستانده انچه ترقّی ایتگن ساحه بؤلیب، بو یؤنه لیشده قطار تورکوم لغتلر یره تیلگندیر.

                                                         چینگیر ایتمت اف

       چینگیز ایتمت اف عالمدن کؤز یومدی.

بویوک قیرغیز یازوچیسی، دیپلمات، دولت وجماعت اربابی

 چینگیز تؤره قل ویچ  ایتمت اف 79  یاشده  آغیرخسته لیکدن

 بیوقت عالمد ن اؤتدی .

چینگیز ایتمت اف 1929- ینچی میلادی ییلی حاضرگی

 قیرغیزستانگه قره شلی شکر قشلاغیده دنیاگه کیلدی .

 چینگیز ایتمت اف 1956- ینچی

ییلی  قیرغیزستان  زراعت انستیتوتنی بیتیریب ، مسکو ده گی

یازوچیلر اویشمه سی عالی ادبیّات  کورسیگه کیره دی(1968) .

چینگیزایتمت اف اؤزاثرلرینی روس وقیرغیزتیللریده یازه باشله یدی.

اتاقلی یازوچی نینگ حکایه لری 1956-ینچی ییلدن چیقه باشله یدی.

اولوغ یازوچی کوچلی روحی ضدیت و کیچیمنه لرگه بای اثرلرینی

،انسان عاملی وعموم بشری قدریتلرگه تیه نیب یازه دی . چینگیز

ایتمت اف اؤز اثرلریده  شورا حکومتی نینگ خطرلی واینچلی خط

وحرکتینی تنقید آستیگه آله دی .

تورکی خلقلرنینگ هم فخر – افتخاری سنلمیش دها یازوچی چینگیز

ایتمت اف قویده گی مشهور اثر (حکایه، قصه و رمان)لرنی

اؤزیدن  میراث قادیردی .

1. بَیدم تال  ساحللریده  (1955) ،

2. یوزمه- یوز  (1957) ،

3. جمیله (1958) ،

4. سرو قامت دلبریم (1961)،

5. بؤته کؤز (1962)،

6. بیرینچی معلم (1962)،

7. مامه ییر (1963)،

8. سامان یؤلی(1963 )،

9. الوداع گلسری (1966)،

10. آق کیمه (1970)،

11. تاغ وچؤل  قصه لری،

12. دینگیز بؤیلب چاپه یاتگن آله پر(1977)،

13. عصرگه ته تیگولیک کون، - رمان(1986)،

14. قیامت ،- رمان (1986)،

14. کسندره تمغه سی (19)،

15. چؤققیده قالگن آوچی نینگ آه وزاری

 (میخایل شولوخوف بیلن بیرگه یازگن)،

چینگیز ایتمت اف نینگ برچه اثرلری اؤزبیک تیلیگه اؤگیریلگن . چینگیزآغه نینگ  اثرلرینی  اؤزبیک کتابخوانلری سیویب اؤقیدیلر. چینگیز ایتمت اف  برکه لی ایجادی و اجتماعی فعالیتلری طفیلی  اولوغ منصب ودرجه لرگه ایریشگن .

ذ.ایشانچ

     بویوک صنعتکار، تنیقلی حافظ   استاد غفّار کمال نینگ

وفاتی مناسبتی بیلن «توران» اجتماعی، مدنی بنیادی نینگ

همدردلیک پیامی

 دنیا تورکی خلقلری اینیقسه افغانستان نینگ اؤزبیک و تورکمنلری

 اؤزلری  نینگ  مقام  خوان  حافظی استاد عبدالغفور کمال  بیلن

 ابدی   وداعلشدیلر .

 رحمتلی استاد عبدالغفورکمال ( غفّارکمال) 21 می (بیرینچی جوزا)

 چهارشنبه کونی شمالی افغانستان - جنوبی تورکستان نینگ شبرغان

 شهریده  82 یاشده ، یوره ک خسته لیگیدن  عالمدن اؤتدی .

 توران اجتماعی و مدنی بنیادی نینگ رهبرلیک کینگشی و بوتون

 اعضالری اوشبو الملی واقعه دن چقور قیغوگه باتدی . شو مناسبت 

  بیلن«توران»مدنی اویشمه سی مرحوم نینگ فرزندلری،

 اخلاصمندلریگه  همدردلیک وتسلیت اظهار ایته دیلر .

 سؤزسیز،استاد غفّار کمال اؤزی نینگ برکه لی عمرینی اؤزبیک

  کلاسیک موسیقه سی؛ اؤزبیک قؤشیقچیلیک صنعتی رواجیگه بغشیده

 ایتگن بی تکرار سیمادیر  .

 استاد کمال اؤز وقتیده بیرقطارحافظ خواننده لرگه موسیقی اینیقسه مقام 

 سرلرینی اورگتدی . اولوغ  صنعتکار  نینگ مقام بابیده گی بیلیم و

 اؤگیتلریدن تشنه قالگن  ینه اؤنلب  شاگرد و ایزداشلری هم  باردیر.

 تورلی مشقّتلرگه قره می، بیرعمراوزی نینگ فطری استعدادی

 و باطنی ذوقی بیلن مقام خوانلیکنی اوج پله سی گه ییتکزگن استاد

 غفّارکمال نینگ اؤرنی  آره میزده بؤش! بیراق، اونینگ  قؤشیق

 و کویلری همان  قولاغیمیز آستیده خوش جرنگلب توریبتدی.

 یقینده تشکیل ایتیلگن «توران» اجتماعی، مدنی بنیادی نینگ مهم ایش

 ومقصدلریدن بیری هم افغانستان تورکیلری نینگ اصیل موسیقه سنی

 یوزه گه چیقریش و اونی رواجلنتیریشیگه  کمکله شیشدیر . شو معناده

 انجمنیمیزاستاد کمال نینگ بی بها میراثینی کؤز قاره چیغیدیک سقلش،

 واونی کینگ عامگه ییتکزیشگه اؤز حصه سینی قؤشه جکدیر.

«توران» اجتماعی و مدنی بنیادی مرحوم کمال نینگ ایزداشلری

 و شاگردلری؛ افغانستان تورکی تبار ضیالیلری؛ عالم وشاعرلرنی،

  استاد حیاتی،صنعتی و ایجادینی کینگ اؤرگه نیشگه  وتبلیغ قیلیشگه

 دعوت قیله دی . شونینگدیک، اویشمه میز استاد نامنی ابدیلشتیریش

 مقصدیده  تورکی قوملر یشه ب تورگن حدودلرده گی  تورلی جای

 ناملرینی  غفّار کمال  نامی بیلن  اته لیشینی  ایستب قاله دی .

 ا ستاد غفّار کما ل یاقیب ، یاندیریب  کیتگن گلچراغ قلبلریمیزده 

 منگو پارلب توره بیر سین . 

 رحمتلی غفار کمال نینگ جایی جنتده بولسین. 

 «توران» اجتماعی ومدنی بنیادی نینگ رهبرلیک کینگشی